Video
Read full review
2022-06-09
116 views
週末去左長洲一日遊，行完山之後好口渴，朋友介紹左依間主打冰滴咖啡嘅小店飲杯咖啡涼吓冷氣。啡寮嘅設計偏工業風，最打卡嘅一定係門口一排嘅冰滴器具，非常有特色。正所謂慢工出細貨，Iced Dripped Coffee需滴漏6-8小時，萃取嘅咖啡精華仲要再冰釀發酵多1-2日，其費時嘅萃取過程，加上甘甜香醇嘅絕佳風味，都造就左其身價不凡嘅原因，十分值得一試！菠蘿冰滴咖啡🍍$48菠蘿味好出，一入口會覺得好似飲緊菠蘿汁，慢慢品嚐後，咖啡嘅香醇就會出返嚟，整體感覺好fresh，口感甘甜，冇咖啡嗰陣苦味或酸味，呈現返咖啡最佳嘅原味，本身唔鍾意飲咖啡嘅朋友仔都可以試吓😉椰皇冰滴咖啡🥥 $58朋友嗌左依杯好有特色嘅椰皇冰滴咖啡，原個椰皇即叫即開夠晒新鮮，朋友話整體味道清甜，夏天飲消暑一流👍🏻海鹽朱古力🍫 $42依杯味道比較普通，個人覺得有啲淡，都係飲返咖啡會比較有驚喜😂
菠蘿冰滴咖啡🍍$48
菠蘿味好出，一入口會覺得好似飲緊菠蘿汁，慢慢品嚐後，咖啡嘅香醇就會出返嚟，整體感覺好fresh，口感甘甜，冇咖啡嗰陣苦味或酸味，呈現返咖啡最佳嘅原味，本身唔鍾意飲咖啡嘅朋友仔都可以試吓😉
椰皇冰滴咖啡🥥 $58
朋友嗌左依杯好有特色嘅椰皇冰滴咖啡，原個椰皇即叫即開夠晒新鮮，朋友話整體味道清甜，夏天飲消暑一流👍🏻
海鹽朱古力🍫 $42
依杯味道比較普通，個人覺得有啲淡，都係飲返咖啡會比較有驚喜😂
Post
