尋日睇蘋動，見佢介紹咗間食“辣炒馬麵”嘅韓式料理店，今日晏晝即捉埋Dear一齊去試（就算中伏，至少都有人陪吖）
“辣炒馬麵”嘅辣度分咗4Lv，今次同Dear只係試咗Lv1馬麵，湯底勁鮮甜，飲得出佢哋堅係用咗好多海鮮嚟淆，好正！不過真係好Q辣，好在有解辣孖寶“紫菜飯糰”同“美人醋梳打”幫拖，唔係都幾難食得哂個麵！
之後個型棍Chef重走過嚟同我哋傾計，問我哋覺得依餐好唔好食？（唔知重以為去咗5星級餐廳 ￣∇￣lll）
p.S.型棍Chef重同我哋講食得哂Lv4又死唔去將會有幸同型棍Chef影張靚靚車頭相表揚你夠命硬！之不過連花樣男張根碩都被KO嘅Lv4，型棍Chef當初都要食咗3次至食得完，食Lv1都食到成頭汗嘅我哋都係自動收皮好喇！
