時光逆流 (Closed)

隱世、型格、日系、文青等都可以用來形容呢間兩層高嘅Cafe ～每一個位置都好有特色，真係要親自體驗先知🥰至於食物方面，以日式西式為主，亦有多款特色飲品， 啲名仲好得意頂級牛肉漢堡定食 $158牛肉漢堡上有隻好靚嘅荷包蛋🍳，色澤鮮艷。漢堡扒好厚，外脆內軟，又勁juicy，加上蛋汁，味道香滑有層次。定食仲有香濃煙韌嘅麻醬烏冬🍜、多料嘅麵豉湯、小食煙三文魚Bagel $68Bagel 烤得香脆，入口煙煙韌韌，煙三文魚份量都幾多，肥美豐滿，煙香味濃😋 月亮與六便士 $88店員推介咖啡，以高身杯盛住朱古力、伯爵茶及咖啡，中間係圓形牛奶冰磚，濃郁帶甜，味道豐富敞開心扉的萬靈藥 $68呢種萬靈藥～～最愛嘅朱古力😍，上面放咗巨型綿花糖，朱古力碎粒🍫及玫瑰花🌹 賣相好治療😌時光逆流招牌蛋糕$58好驚喜嘅甜品～～～辣辣地😆中層係幼滑嘅芒果mousse ，底層就香軟嘅朱古力蛋糕，最上層芒果醬及辣椒絲，所以食落香、滑、甜、酸、辣～～多層次但又好夾😍