尋魚記 (Closed)

V city一樓勁多好野食，今次揀左呢間京川菜，都係幾唔錯既體驗😋👍🏻餐廳夠大，就算多人都容易等到位，而且大部分都係好闊落既卡位，坐得都好舒服😊🐟金湯酸菜魚💲268勁大煲😵😵好多好多魚，而且係滑既！😋🦐黃金大蝦球💲138鹹蛋黃味勁出，冇得輸！蝦肉都好爽口👍🏻🐔花雕醉雞（例）💲88例都好夠過下口癮，酒味少少濃，雞都夠滑～🧄上海小籠包💲45每隻都多湯汁👍🏻Ok既！另外仲想讚下個茶都幾香醇，配埋呢餐比較重口味黎講攞到個平衡👍🏻整體黎講，咁樣連埋加一總數💲600，性價比算係幾高既選擇，食物質素都OK，職員服務態度友善，座位舒服，幾高質既餐廳👍🏻