一品鮮羊肉館

Open Now

Now Closed

年初四，眼見網上討論區推薦，openrice竟然完全無帖，連餐牌環境相都無，決定嘗試寫下食評。直入主題，午市點了羊肉米線、羊雜米線。兩者相同湯底與米線，湯底似蘿蔔牛腩湯既感覺，帶芫茜味，蘿蔔切片無渣甜但唔太入味，粉滑偏淋。旁邊附辣椒油，油香入口唔辣但有後勁，不過10小辣level都接受到。羊肉散，連皮，鮮甜。羊內臟有羊肚、拍葉、腸、肺、膀等（問左侍應但佢無比到準確答案）。本身無食過羊雜，可以形容羊內臟比牛雜細，但其實每樣羊內臟都同相應既牛內臟相似。特別一提，羊腸脂肪比牛腸甜而肥膩感更輕，個人喜歡。整體價錢合理，服務友善，環境清潔整齊，份量對於成年男士適中偏少（因間可以食個下午茶個款），但餐廳其實都有提供白飯，小食。唯飯後感到幾口渴，懷疑湯底用左魔法，個人認為餐廳值得一試。