立鮨 (黃埔天地) (Closed)

紅磡街坊終於唔使企喺壽司廊門口大排長龍，喺黃埔又開多咗一間壽司店，今次仲要係走親民路線，兼且喺香港多區有分店嘅壽司舖。餐廳裝修簡簡單單，仿效Omakase風格，有一個open kitchen，前面就係一張長Bar枱，可以望住師傅處理食材。吃貨幫大家試下，餐單有得散各款壽司，亦有幾個Set。今次叫左一個🍣特上吞拿魚盛合，包咗五件高級Sushi：本鮪赤身壽司中吞拿魚腩壽司大吞拿魚腩壽司碎蔥吞拿魚腩軍艦火炙中吞拿魚腩壽司話明吞拿魚腩，所以每一件都係好肥美，中同大吞拿魚腩脂肪比例會高啲，所以顏色都會偏白啲，略略見到雪花紋，入口好綿，我平時都好鍾意食蔥吞拿魚腩，佢哋呢個套餐都會用翻靚吞拿魚，有入口即溶口感。另外叫咗個大滿足迷你海膽特盛：碗仔雖然好細個，下面放咗壽司飯，但係上層鋪滿海膽，兩行密密麻麻，呈金黃色，放上枱就流晒口水，味道偏清甜。另外仲單點左個人喜愛既三文魚壽司，同埋火炙左口魚邊壽司。餐廳嘅壽司都係用咗醃製左醬油嘅壽司飯，相對其他比較有心機。