Video
Read full review
2023-04-30
47 views
《精緻高檔韓國菜✨》———————————————-#GYOJASANG 🇰🇷-同男朋友Anniversary 要慶祝下，佢專登帶咗我嚟呢間韓式fusion菜食晚飯，別具格調，裏面嘅座位仲可以落簾製造一個私人空間，拍拖一流😙-Chill下就嗌咗枝韓國酒飲下，店員推介咗呢枝Cculseam16 Honey Mead🍯感覺唔會太濃烈，易入口略帶蜜糖嘅微甜，配搭醃漬前菜呢啲下酒菜，簡直係一流🥂-🐮韓式生牛肉之前一直都好想試吓韓式生牛肉，但係又驚唔熟會容易有菌，但係嚟到呢間食就絕對放心❤️店員會將蒜蓉、洋蔥、青瓜、松子、泡菜、雪梨同生牛肉撈均，口感好順滑，一啲都唔會覺得腥，撈埋之後配搭脆海苔鍋巴一齊食，食唔停口😉-🐙 八爪魚牛肋骨肋骨炆煮得好入味，牛肉味濃郁，肉質非常軟腍🐂 店員會幫手剪開一粒粒八爪魚，肉質彈牙，完全唔會靭，裡面仲有蓮藕片、蘿蔔、冬菇等配料，相當足料！-🍣 海膽紫菜包飯賣相精緻，最底層係普通紫菜包飯，上面放滿海膽，份量十足😝 而且勁新鮮，十分鮮甜，口感順滑～飯卷中間包著蛋絲、青瓜同紅蘿蔔，層次豐富☺️-💚 魚籽紫菜蛋卷賣相好特別，佢係綠色嘅蛋卷，紫菜味道好突出，食落好有質感，口感綿
———————————————-
#GYOJASANG 🇰🇷
-
同男朋友Anniversary 要慶祝下，佢專登帶咗我嚟呢間韓式fusion菜食晚飯，別具格調，裏面嘅座位仲可以落簾製造一個私人空間，拍拖一流😙
-
Chill下就嗌咗枝韓國酒飲下，店員推介咗呢枝Cculseam16 Honey Mead🍯感覺唔會太濃烈，易入口略帶蜜糖嘅微甜，配搭醃漬前菜呢啲下酒菜，簡直係一流🥂
-
🐮韓式生牛肉
之前一直都好想試吓韓式生牛肉，但係又驚唔熟會容易有菌，但係嚟到呢間食就絕對放心❤️店員會將蒜蓉、洋蔥、青瓜、松子、泡菜、雪梨同生牛肉撈均，口感好順滑，一啲都唔會覺得腥，撈埋之後配搭脆海苔鍋巴一齊食，食唔停口😉
-
🐙 八爪魚牛肋骨
肋骨炆煮得好入味，牛肉味濃郁，肉質非常軟腍🐂 店員會幫手剪開一粒粒八爪魚，肉質彈牙，完全唔會靭，裡面仲有蓮藕片、蘿蔔、冬菇等配料，相當足料！
-
🍣 海膽紫菜包飯
賣相精緻，最底層係普通紫菜包飯，上面放滿海膽，份量十足😝 而且勁新鮮，十分鮮甜，口感順滑～飯卷中間包著蛋絲、青瓜同紅蘿蔔，層次豐富☺️
-
💚 魚籽紫菜蛋卷
賣相好特別，佢係綠色嘅蛋卷，紫菜味道好突出，食落好有質感，口感綿密，上面有滿滿嘅三文魚籽，超滿足😚
-
⭐ 參考價錢：（另收加一）
Cculseam16 Honey Mead ：$380
醃漬前菜：$72
韓式生牛肉：$195
八爪魚牛肋骨：$245
海膽紫菜包飯：$355
魚籽紫菜蛋卷：$145
🍌 抵deal 指數：8/10
💰 人均消費：$750
Post
