Video
Read full review
2022-07-05
300 views
9 0 後的 味蕾.港島東區喜訊🤘🏻，係天后開左間別樹一格、創意新式cafe X sake嘅餐廳。餐廳裝修設計有別於一般木系日式路線，反而用咗好多銀色金屬嘅餐桌、櫃，走科幻嘅路線。.餐廳間開咗兩部份，一部份係好開揚、採光度十足嘅cafe Area，有一大副坐地玻璃，提供日式小碟料理，自己揀選鍾意嘅食物，併成一個套餐，最重要係呢度嘅食物全部都係好健康，同埋減肥之選🥹。.另一部份係內藏於餐廳入面，走高階路線，原來係提供omakase，呢間餐廳仲有超過50款清酒🍶提供。.今次我係lunch time時間，食左輕食料理套餐，可以揀2款至5款，價錢由$69至到$129，每份套餐都有白飯同麵豉湯，而家仲可以免費升級藜麥椰菜花飯，健康減肥之選，料理主打日式，好多種類選擇。.👉🏻羽衣甘藍沙律，芒果紅石榴沙律，非常健康，抗癌又新鮮，芒果紅石榴酸酸甜甜仲好開胃。.👉🏻高野豆腐，似日本凍豆腐，好似海綿咁樣吸晒啲汁，爆juicy。.👉🏻黑醋排骨，醬汁煮到好結身，排骨又煮得夠淋，甜甜口感，好滋味。.👉🏻鹽燒青魚，兩面都煎到金黃色，保留到少少魚油，唔會太乾身，健康。.👉🏻+$18 可以有咖啡☕️，拉花拉得好靚，La
.
港島東區喜訊🤘🏻，係天后開左間別樹一格、創意新式cafe X sake嘅餐廳。餐廳裝修設計有別於一般木系日式路線，反而用咗好多銀色金屬嘅餐桌、櫃，走科幻嘅路線。
.
餐廳間開咗兩部份，一部份係好開揚、採光度十足嘅cafe Area，有一大副坐地玻璃，提供日式小碟料理，自己揀選鍾意嘅食物，併成一個套餐，最重要係呢度嘅食物全部都係好健康，同埋減肥之選🥹。
.
另一部份係內藏於餐廳入面，走高階路線，原來係提供omakase，呢間餐廳仲有超過50款清酒🍶提供。
.
今次我係lunch time時間，食左輕食料理套餐，可以揀2款至5款，價錢由$69至到$129，每份套餐都有白飯同麵豉湯，而家仲可以免費升級藜麥椰菜花飯，健康減肥之選，料理主打日式，好多種類選擇。
.
👉🏻羽衣甘藍沙律，芒果紅石榴沙律，非常健康，抗癌又新鮮，芒果紅石榴酸酸甜甜仲好開胃。
.
👉🏻高野豆腐，似日本凍豆腐，好似海綿咁樣吸晒啲汁，爆juicy。
.
👉🏻黑醋排骨，醬汁煮到好結身，排骨又煮得夠淋，甜甜口感，好滋味。
.
👉🏻鹽燒青魚，兩面都煎到金黃色，保留到少少魚油，唔會太乾身，健康。
.
👉🏻+$18 可以有咖啡☕️，拉花拉得好靚，Latte咖啡底都係偏Nutty。餐廳仲有杯獨家signature -「酒粕咖啡」，將清酒原材料「酒粕」與咖啡結合，令飲咖啡都有美顏功效，味道就有啲似越南咖啡。
.
👉🏻+$18有指定甜品，❤️🔥真係記得記得要試抹茶布丁，口感幼滑到dump一聲，會喺喉嚨度long住既感覺，抹茶同奶味做得好均勻。伯爵茶蛋糕，一層伯爵茶cream，一層海綿蛋糕，海棉蛋糕入邊都有伯爵茶味道，成個口都係伯爵茶，好正。
.
❤️🔥❤️🔥總結，係一間你會想返轉頭嘅餐廳，環境好舒適，食物質素同價錢成正比，甜品有驚喜，三五知己坐埋一齊，可以傾足成個下晝。
Post
