有囍 (Closed)

星加坡炒胡椒蟹：呢個炒蟹有別於其他地方，係會有專人係你隔離即場開火炒，睇住佢用先用洋蔥胡椒爆鑊，再落蟹炒，之後仲會落酒，即刻噴晒火，睇到已經食指大動！蟹既size好大，有好多蟹肉，食落鮮甜，配合胡椒既辣味，真係食唔停口！而洋蔥炒完之後完全唔會嗆，反而吸晒d汁，非常好食！星加坡麥皮蝦：呢度必食推介！用麥皮已經夠晒特別，蝦既size又大，食落淡淡肉，配合埋脆卜卜既麥皮，口感非常豐富！燒豬頸肉：燒豬頸肉既肉質好嫩，燒得好香口，又唔會太乾身，配埋泰式酸酸辣辣既醬汁，味道好夾！冬陰公蝦湯：冬陰公蝦湯味道好濃郁，蝦既份量好足料，湯底仲有青口同番茄仔，好豐富！有囍水果茶：水果茶有蘋果、火龍果等等，飲落唔會太甜，證明唔係其他地方落糖槳個d，飲落好清新，仲有得叫1 Jar同人share飲。參巴海鮮炒飯：炒飯好足料，有青口、蝦、魷魚、蟹肉、蛋、四季豆，食落淡淡都有海鮮，好鮮甜！配合四季豆爽脆既口感，真係好正！