Video
Read full review
2023-09-15
1374 views
餐廳開係日街盡頭，用google map花左小小時間先搵到係邊🙈餐廳設計好似意大利餐館，西式既裝潢令到客人坐得好舒適愜意，樓底非常高減少壓迫感。當日無訂位，職員安排左我地坐門口隔離既吧枱位，好多蚊咬🫠撇除多蚊外，職員服務態度同食物質素都幾好！🦀Danji Crab叫左一隻醬油蟹，醬油蟹唔會醃味到死鹹，仲食得出蟹既原味！蟹唔算好肥美同蟹膏唔算太多🙈但味道搭夠！蟹膏撈紫菜飯食簡直係無得頂🤤要注意唔好食到捩咁棄，如果餐廳可以提供器皿俾客人放蟹殼就更加之好！🐄Galbi Jjim牛肋骨經炆煮後甜甜地又軟腍腍，肉質中上，入口鬆化，有啲甚至骨肉分離☺️。韓式炆野通常都偏甜膩滯口，但Danji醬汁比較特別，放左紅白蘿蔔🥕，翠玉瓜，紅棗，銀杏等等，令到醬汁甜得黎又帶有陣陣蔬果既清甜，好岩我胃口！🥢Cold Noodles最岩夏日炎炎食既麵種！湯頭以牛肉熬製，煮至清澈又有肉味既湯頭，蕎麥麵幼身彈牙，職員主動幫我地剪斷同俾左兩個新碗食麵。配菜除左有常見既青瓜絲🥒同醃蘿蔔，仲有自家製既辣鱈魚乾。將魚乾放落酸甜可口既冷麵一齊食，清爽既湯汁頓時變得多層次，味道好夾😍📍DANJI 灣仔日街6-7號日新樓地下A號舖
餐廳設計好似意大利餐館，西式既裝潢令到客人坐得好舒適愜意，樓底非常高減少壓迫感。當日無訂位，職員安排左我地坐門口隔離既吧枱位，好多蚊咬🫠撇除多蚊外，職員服務態度同食物質素都幾好！
🦀Danji Crab
叫左一隻醬油蟹，醬油蟹唔會醃味到死鹹，仲食得出蟹既原味！蟹唔算好肥美同蟹膏唔算太多🙈但味道搭夠！蟹膏撈紫菜飯食簡直係無得頂🤤要注意唔好食到捩咁棄，如果餐廳可以提供器皿俾客人放蟹殼就更加之好！
🐄Galbi Jjim
牛肋骨經炆煮後甜甜地又軟腍腍，肉質中上，入口鬆化，有啲甚至骨肉分離☺️。韓式炆野通常都偏甜膩滯口，但Danji醬汁比較特別，放左紅白蘿蔔🥕，翠玉瓜，紅棗，銀杏等等，令到醬汁甜得黎又帶有陣陣蔬果既清甜，好岩我胃口！
🥢Cold Noodles
最岩夏日炎炎食既麵種！湯頭以牛肉熬製，煮至清澈又有肉味既湯頭，蕎麥麵幼身彈牙，職員主動幫我地剪斷同俾左兩個新碗食麵。配菜除左有常見既青瓜絲🥒同醃蘿蔔，仲有自家製既辣鱈魚乾。將魚乾放落酸甜
可口既冷麵一齊食，清爽既湯汁頓時變得多層次，味道好夾😍
📍DANJI
灣仔日街6-7號日新樓地下A號舖
Post
