羅勇泰國粉麵 (Closed)

今日豬仔出左尖沙咀 要一個人食午餐兜兜轉轉黎左依間係厚福街既羅勇泰國粉麵諗起泰國街邊/餐廳既泰式粉麵就流曬口水餐牌有唔同既選擇豬仔今日想食豬手 問過職員後得知係片狀 唔好原隻豬手上既就決定食依個秘制滷水豬手湯河湯底淡淡滷水味 河粉係粗身泰式河片好難得有地方係用依種河粉 豬手好似扎肉咁 軟軟加上膠原食落好味又方便唔會好似原隻豬手咁食到好麻煩灑上蔥、炸蒜同芫茜 帶來多層次既味覺享受裡面其他配菜包括通菜同芽菜 營養均衡每桌都有醬料 包括辣汁 酸汁 糖同辣粉自己調配喜愛既味道豬仔就鍾意加小小酸同辣最後再配上大大個滿甜既椰青依餐晏好味道又充滿泰式風味豬仔一個人都食得好滿足呀