La Crêperie (鉅芝樓)

Open Now

Now Closed

正所謂橘越淮而枳，同樣都係芝腿治，法式嘅芝腿治同喺屋企樓下食到嘅係寧舍唔同嘅！唔係我崇洋，係崇都崇日先啦係咪，但好明顯呢個法式芝腿治無論係包裝定味道上，都勝過茶記嗰啲一籌，咁當然價錢都貴幾倍！講返個味道先，啲芝士係幾香濃嘅，不過冇玩拉絲唔知拉唔拉到，不過拉唔到都唔緊要，最緊要嘅係食落雖然都係芝士火腿撈埋一齊，但硬係覺得成件事係出色好多，可能用料係來佬嘢啦我唔知，但平時食一個腿芝治係唔會飽嘅我，食完呢個真係好L飽！好喇，講完咁耐廢話，可能你會話咪又係芝腿治，嗱，說話就唔係咁講喇！港女同鬼妹夠係女人啦，畀你會揀邊個喇係咪先？法官大人，我冇補充。