Video
Read full review
2021-06-09
625 views
《正宗南洋風味🌴》———————————————-#蘇山雞飯 🐤-早排又去咗長沙灣搵朋友食晚飯，嚟咗呢間主打南洋風味嘅餐廳，經濟又實惠，而且裝潢新淨，坐得都幾舒服。點餐方式都好新穎，由店員比個QR Code我哋screen就可以order到，少咗接觸，防疫意識一流～-叫得蘇山雞飯，又點可以唔食佢嘅海南雞飯，雞件做得出色，係傳統黃皮白肉嘅做法，口感滑嫩，略帶脂香添，沾上黑醬油跟蒜蓉食味道更突出惹味🤟🏻個白胡椒味相當突出，仲有成三大舊肉骨咁多，正！套餐仲可以加小食，我哋就叫多咗個參巴醬通菜，十分惹味～-星洲龍蝦喇沙摻摻🍜亦係抵食推介，性價比非常高，大大隻龍蝦，肉質彈口，仲有好多膏🦞個湯只係微辣，椰香味濃，啱哂我嘅口味。鮮油咖央多士🥪亦係必食呀，大大舊牛油夾落去邪惡到一個點，加埋甜甜嘅咖央醬，一啖咬落去超有驚喜，如果唔係食完已經好飽，仲想追加多份！-飲品方面同樣吸引，嚟咗杯久違嘅恐龍美祿🦖，非常濃郁～而天氣熱辣辣，朋友就叫咗杯冰凍椰青🥥，清甜解渴，夠哂清爽！-⭐ 參考價錢︰（免收加一）星洲龍蝦喇沙摻摻配鮮油咖央多士： $88鴛鴦海南雞飯（迷你肉骨茶加海南雞）： $75跟餐配參巴醬通菜： +$
———————————————-
#蘇山雞飯 🐤
-
早排又去咗長沙灣搵朋友食晚飯，嚟咗呢間主打南洋風味嘅餐廳，經濟又實惠，而且裝潢新淨，坐得都幾舒服。點餐方式都好新穎，由店員比個QR Code我哋screen就可以order到，少咗接觸，防疫意識一流～
-
叫得蘇山雞飯，又點可以唔食佢嘅海南雞飯，雞件做得出色，係傳統黃皮白肉嘅做法，口感滑嫩，略帶脂香添，沾上黑醬油跟蒜蓉食味道更突出惹味🤟🏻個白胡椒味相當突出，仲有成三大舊肉骨咁多，正！套餐仲可以加小食，我哋就叫多咗個參巴醬通菜，十分惹味～
-
星洲龍蝦喇沙摻摻🍜亦係抵食推介，性價比非常高，大大隻龍蝦，肉質彈口，仲有好多膏🦞個湯只係微辣，椰香味濃，啱哂我嘅口味。鮮油咖央多士🥪亦係必食呀，大大舊牛油夾落去邪惡到一個點，加埋甜甜嘅咖央醬，一啖咬落去超有驚喜，如果唔係食完已經好飽，仲想追加多份！
-
飲品方面同樣吸引，嚟咗杯久違嘅恐龍美祿🦖，非常濃郁～而天氣熱辣辣，朋友就叫咗杯冰凍椰青🥥，清甜解渴，夠哂清爽！
-
⭐ 參考價錢︰（免收加一）
星洲龍蝦喇沙摻摻配鮮油咖央多士： $88
鴛鴦海南雞飯（迷你肉骨茶加海南雞）： $75
跟餐配參巴醬通菜： +$20
恐龍美祿： +$15
冰凍椰青：+$18
🍌 抵deal 指數：9/10
💰 人均消費：$110
Post
