Video
Read full review
2019-03-23
27 views
住響旺角附近的關係，吃飯時我不時都會落街捐窿捐啦搵嘢食，嗰日比我行過通菜街檔攤兩旁，發現呢間叫平民扒房咁得意嘅，見佢價錢又幾平民，就同朋友入咗去試吓。入面嘅空間唔算大，大概放到六七張枱，環境都幾算有氣氛，好似一般扒房嘅格局，不過可能人多時段就迫左少少，冇辦法香港土地問題啊。一坐低老闆娘就會過嚟好詳細咁樣介紹份Menu(我估佢係老闆娘咋，感覺似😂），態度非常親切，而且介紹得幾詳細，仲會推介今日嘅食材俾我地選擇。佢呢度嘅扒真算係幾平，200g由$8x-1xx都有，唔夠可以點400g, 豐儉由人，最正係佢呢度一個價錢就可以無限添加湯，沙律同埋白飯，啱晒我呢啲大胃王😋另外加多$38就可以任飲汽水和任食薯條😋不過太熱氣我冇加，淨係任食沙律同飯都夠啦😝心大心細樣樣都想食嘅情況之下我哋最後揀咗200g嘅牛板腱（$98）同埋原條嘅蒲燒鰻魚@秘製鰻魚汁（$198）好期待呀😍等緊期間老闆娘就俾左湯同埋沙律我哋先，個湯係蘑菇湯都幾足料好飲😋沙律嘅醬汁幾特別，隻色紅紅地味道又酸酸甜甜，我哋八卦好奇問下咩醬，係佢自家調配，沙律醬再加番茄醬再溝啲水令佢感覺冇咁杰身。以上兩款有得任食都幾開心😄過咗大概15分鐘佢就上
住響旺角附近的關係，吃飯時我不時都會落街捐窿捐啦搵嘢食，嗰日比我行過通菜街檔攤兩旁，發現呢間叫平民扒房咁得意嘅，見佢價錢又幾平民，就同朋友入咗去試吓。
入面嘅空間唔算大，大概放到六七張枱，環境都幾算有氣氛，好似一般扒房嘅格局，不過可能人多時段就迫左少少，冇辦法香港土地問題啊。
一坐低老闆娘就會過嚟好詳細咁樣介紹份Menu(我估佢係老闆娘咋，感覺似😂），態度非常親切，而且介紹得幾詳細，仲會推介今日嘅食材俾我地選擇。佢呢度嘅扒真算係幾平，200g由$8x-1xx都有，唔夠可以點400g, 豐儉由人，最正係佢呢度一個價錢就可以無限添加湯，沙律同埋白飯，啱晒我呢啲大胃王😋另外加多$38就可以任飲汽水和任食薯條😋不過太熱氣我冇加，淨係任食沙律同飯都夠啦😝
心大心細樣樣都想食嘅情況之下我哋最後揀咗200g嘅牛板腱（$98）同埋原條嘅蒲燒鰻魚@秘製鰻魚汁（$198）好期待呀😍等緊期間老闆娘就俾左湯同埋沙律我哋先，個湯係蘑菇湯都幾足料好飲😋沙律嘅醬汁幾特別，隻色紅紅地味道又酸酸甜甜，我哋八卦好奇問下咩醬，係佢自家調配，沙律醬再加番茄醬再溝啲水令佢感覺冇咁杰身。以上兩款有得任食都幾開心😄
過咗大概15分鐘佢就上我們的牛板腱了！嘩，見到都好想食呀，佢係用雲石板上真係好少見，雲石板感覺好靚而且熱度十足！果件牛板腱雖然我哋下一件200G，可能厚切嘅關係感覺到好足份量，我地點左五成熟，佢真係做到啱啱，好中間係粉紅色，出面啱啱熟！起初我都擔心牛板腱會唔會好韌，點知食落去非常林，而且好有肉味，五成熟我本身都擔心太生，原來靚肉真係怕生，好幸福啊😍佢嘅薯蓉都好creamy，正！
牛阪腱200g
$98
16 views
0 likes
0 comments
另外全條鰻魚用雲板上又係好震撼，感覺條鰻魚零舍大咁，鋪到出晒界，秘製嘅鰻魚汁味道唔算好濃，更加能凸顯出鰻魚嘅鮮味。鰻魚入口真係好肥美，油脂充滿口腔，我都忍唔住食多碗飯！😋
原條鰻魚
$198
1 views
0 likes
0 comments
整體來講呢間平民扒房真係名不虛傳冇改錯名，食物高質之餘價錢亦都平民，佢嘅性價比真係幾高，唔怪得晚晚都爆棚！俾我發現到一間咁正嘅餐廳，下次想鋸扒食西餐我都會再返黎㗎！😊
______________________________
店名：平民扒房@友蠔食
環境🏝：6.5/10
服務💁🏼♀️：8.5/10
價錢💰：8.5/10
食物質素🍝：8.5/10
整體🙆🏻♂️：8.3/10
地址：
旺角通菜街1A-1L號威達商業大廈地下D號舖
Post
