Video
Read full review
2018-03-19
143 views
平時食尖沙咀川婆婆嘅辣魚蛋就食得多，想食佢嘅麻辣火鍋好耐，之前係咁聽友人係咁力推，見到佢有任食（＄188/位另加一）就心動去試下。因為平時如果唔係任食單點嘅話，以我和朋友的食量每人＄500都應該落唔到樓😂。湯底加＄30可轉鴛鴦湯底，我們揀了重慶麻辣湯底和阿婆豬骨湯底，重慶麻辣湯底果然係好正，辣得來非常過癮，而且食完唔會覺得口渴，我唔算話十分食得辣都忍唔住長期食紅湯呢邊，忽略咗白色嘅豬骨湯底。豬骨湯底都唔錯不過相比起出色的麻辣湯底就比較遜色。因為任食嘅關係部份海鮮和高級嘅食材都唔會有，部份材料有點將貨就價，例如供應的肥牛比較老，但大部份基本嘅丸類肉類蔬菜金菇響鈴等等全部都應有盡有，而且整體比一般打邊爐和雞煲嘅材料新鮮，而且有一啲自家特色嘅食材例如招牌粉條，墨魚汁墨魚丸等等。呢個價錢來講都算OK！因為佢每枱會送一碟安格斯牛，我發覺用安格斯牛放落去紅湯真係正到爆，完全唔想再掂嗰啲肥牛。可以嘅話下次都建議試吓佢嘅單點模式，點一啲海鮮或者高級嘅食材例如生蠔帶子田雞等等放落去嗰個湯底應該仲正👍環境：6/10服務：7/10 （長沙灣呢間嘅服務都算殷 勤友善，聽朋友講第間分店
平時食尖沙咀川婆婆嘅辣魚蛋就食得多，想食佢嘅麻辣火鍋好耐，之前係咁聽友人係咁力推，見到佢有任食（＄188/位另加一）就心動去試下。因為平時如果唔係任食單點嘅話，以我和朋友的食量每人＄500都應該落唔到樓😂。
湯底加＄30可轉鴛鴦湯底，我們揀了重慶麻辣湯底和阿婆豬骨湯底，重慶麻辣湯底果然係好正，辣得來非常過癮，而且食完唔會覺得口渴，我唔算話十分食得辣都忍唔住長期食紅湯呢邊，忽略咗白色嘅豬骨湯底。豬骨湯底都唔錯不過相比起出色的麻辣湯底就比較遜色。
因為任食嘅關係部份海鮮和高級嘅食材都唔會有，部份材料有點將貨就價，例如供應的肥牛比較老，但大部份基本嘅丸類肉類蔬菜金菇響鈴等等全部都應有盡有，而且整體比一般打邊爐和雞煲嘅材料新鮮，而且有一啲自家特色嘅食材例如招牌粉條，墨魚汁墨魚丸等等。呢個價錢來講都算OK！
因為佢每枱會送一碟安格斯牛，我發覺用安格斯牛放落去紅湯真係正到爆，完全唔想再掂嗰啲肥牛。可以嘅話下次都建議試吓佢嘅單點模式，點一啲海鮮或者高級嘅食材例如生蠔帶子田雞等等放落去嗰個湯底應該仲正👍
環境：6/10
服務：7/10 （長沙灣呢間嘅服務都算殷
勤友善，聽朋友講第間分店嘅服務
態度麻麻）
價錢：7/10 （每位＄188任食加一都係
＄200度，以佢嘅食物質素都算抵
食）
食物質素： 7/10
整體：7/10 都算唔錯
鴛鴦湯底（阿婆豬骨湯底和麻辣重慶湯底）
13 views
0 likes
0 comments
普通美國肥牛（上）和安格斯牛（下）
16 views
0 likes
0 comments
雜丸
22 views
0 likes
0 comments
鯇魚片
4 views
0 likes
0 comments
川婆婆粉條
7 views
0 likes
0 comments
Post
