Video
Read full review
2018-10-23
1378 views
屯門長大的我如果要食大排檔通常會去何福堂附近嗰啲大排檔，但我真係唔知道原來響工廠區近屯門西鐵站附近竟然都有大排檔食，而且仲幾出色添！👍今次朋友帶我嚟到呢間叫做建榮特色桑拿菜，喺屯門西鐵站附近大概行10分鐘，好彩朋友帶路我先識來，一路上人影都唔多隻但係去到嗰度竟然別有洞天！超級多人熱鬧！😱唔通呢度已經好多人識係我唔識😢入到去坐我見到menu好多嘢食呀🤩大排檔我一定要點咕嚕肉，見到佢有薯仔牛柳粒梗係順便點埋啦，再點多碟蟲草花蒸雞，太多肉我哋要多個海鮮雜菜煲就差不多了。上菜嘅時候我幾驚喜見到佢每碟餸嘅size係幾大幾多的，首先招牌咕嚕肉（$88）配上青紅椒同埋菠蘿，顏色非常之靚，同一般嘅咕嚕肉唔同係佢唔算太肥，似係用一啲比較爽嘅梅肉，而且每一粒肉嘅大細均一，醬汁甜酸恰到好處相當醒神開胃，令人不禁一粒接一粒。薯仔牛柳粒佢叫做百花蜜牛柳粒（$98）係我每次去大排檔如果見到佢有都會一定點㗎，佢呢間嘅薯仔牛柳粒都算整得唔錯，薯仔煎得脆身，牛柳粒粒粒六七成熟，好juicy 好嫩呀🤩蟲草花蒸雞同樣勁大碟，十分足料雞肉蒸得啱啱好，鮮嫩無雪味，鋪上荷葉去蒸有陣陣荷香，加埋蟲草花同埋雲耳成件事好養生啊😝因太多
屯門長大的我如果要食大排檔通常會去何福堂附近嗰啲大排檔，但我真係唔知道原來響工廠區近屯門西鐵站附近竟然都有大排檔食，而且仲幾出色添！👍
今次朋友帶我嚟到呢間叫做建榮特色桑拿菜，喺屯門西鐵站附近大概行10分鐘，好彩朋友帶路我先識來，一路上人影都唔多隻但係去到嗰度竟然別有洞天！超級多人熱鬧！😱唔通呢度已經好多人識係我唔識😢
入到去坐我見到menu好多嘢食呀🤩大排檔我一定要點咕嚕肉，見到佢有薯仔牛柳粒梗係順便點埋啦，再點多碟蟲草花蒸雞，太多肉我哋要多個海鮮雜菜煲就差不多了。
上菜嘅時候我幾驚喜見到佢每碟餸嘅size係幾大幾多的，首先招牌咕嚕肉（$88）配上青紅椒同埋菠蘿，顏色非常之靚，同一般嘅咕嚕肉唔同係佢唔算太肥，似係用一啲比較爽嘅梅肉，而且每一粒肉嘅大細均一，醬汁甜酸恰到好處相當醒神開胃，令人不禁一粒接一粒。
招牌咕嚕肉
$88
39 views
0 likes
0 comments
薯仔牛柳粒佢叫做百花蜜牛柳粒（$98）係我每次去大排檔如果見到佢有都會一定點㗎，佢呢間嘅薯仔牛柳粒都算整得唔錯，薯仔煎得脆身，牛柳粒粒粒六七成熟，好juicy 好嫩呀🤩
百花蜜牛柳粒
$98
17 views
0 likes
0 comments
21 views
0 likes
0 comments
蟲草花蒸雞同樣勁大碟，十分足料雞肉蒸得啱啱好，鮮嫩無雪味，鋪上荷葉去蒸有陣陣荷香，加埋蟲草花同埋雲耳成件事好養生啊😝
蟲草花蒸雞
$88
29 views
0 likes
0 comments
因太多肉而點的海鮮雜菜煲好多雜菜，但同有好多海鮮，粉絲索晒啲湯好好味😛
海鮮雜菜煲
$88
42 views
0 likes
0 comments
全晚真係食餸都食飽啊！連埋嘢飲食咁多野買單都唔使$400，幾時都話港式大排檔真係大碟夾抵食，最緊要係幾好食！呢間大排檔真係唔錯，值得推介👍不過要睇吓個地點有少少難搵，可能要自己搵吓地圖😅
______________________________
店名:建榮特色桑拿菜火鍋店
環境🏝：6/10
服務💁🏼♀️：8/10
價錢💰：8.5/10
食物質素🍝： 8.5/10
整體🙆🏻♂️：8/10
地址:
屯門建榮街32號建榮熟食市場地下C6號舖
#吃貨玩樂在屯門
#吃貨玩樂
#建榮特色桑拿菜
Post
