Spoon by Alain Ducasse (Closed)

話曬米芝蓮，對食物期望自然高，可能因為咁而有啲失望。最好味係餐前小食同甜品，但amuse bouche個湯感覺好無誠意，只飲左兩三啖就無飲，似日式清麵豉湯，做唔到令人開胃的效果。主菜走地雞配小龍蝦同黑松露味道還可，但鹹左啲，要不停飲水。蒸鴨肝份糧好大，可惜係最失望一道菜，因為係蒸唔係煎，表面一定唔係香脆嗰種，但遺憾嘅係內裡質感又唔實又唔軟，入口唔夠滑，亦無咩油香，都係無食曬就停左手。服務方面，上菜等嘅時頗長，同枱有內地客人，但侍應普通話唔太好，但當然整體服務都好好。