香格里拉米線專門店

Open Now

Now Closed

觀塘中心地帶搵到間好出色既米線店舖，係牛頭角道既香格里拉米線專門店，鋪面大大間，好闊落坐得好舒服，一入到去米線既香味充斥住成間鋪頭，令人食指大動呀☺️首先梗係嗌左頭盤小食先喇，蒙古大汗烤豬腿，豬腿肉質好淋，燒既程度岩岩好，加埋香味十足既調味料，夠惹味😘滷水鴨腎好入味，鴨腎好爽口，大大碟唔錯😋香格里拉雞翼辣辣地惹味非常，頭盤咁食真係好開胃😝紅油蒜泥白肉有薄薄既豬肉再用微辣既紅油將味道帶出黎，好好食呀😝呢度既番茄湯底咁香甜，番茄味好濃而且番茄湯入面有陣好香既酒味😎好特別，加埋有qq粉之稱既彈牙薯粉，食左好滿足呀😘餸方面我叫左肥牛，薄切牛肉，薄切豚肉每種肉份量岩岩好，而且材料新鮮，肉味好重，鮮竹蝦春卷炸到岩岩好，完全唔乾啵，另外魚肚口感夠爽，豆卜同香菇好有驚喜，特別係香菇好厚身，佢地將湯底吸收左，咬落去連埋湯汁，勁正😍朋友就嗌左淨餸，豬膶好好食，唔會整得好老，蘿蔔好甜唔多渣，腩肉都唔錯，肉質鬆軟😋呢度既豆漿豆味好香甜度適中，而凍檸茶唔會好澀，都不錯喔！