鳴門割烹料理 (Closed)

好近MegaBox既日本餐鳴門割烹料理❤️割烹料理指切割和烹調，私房菜，講究以季節性食材創作料理😋好耐無食過Brunch，最近呢間日本餐廳推出的半放題幾吸引架，主食一款，沙律，串燒，小食，刺身，壽司任食(限時90分鐘)首先可以揀個主菜，我地就揀左西京燒銀鱈魚，好好味，D皮好脆，D魚肉好滑，D汁都好味，好岩我哩啲魚控呀😋再點了牛肉石鍋飯，啲牛肉份量幾多，用石鍋上枱保持熱辣辣😍中間仲有個流心蛋😍刺身有三文魚、八爪魚、甜蝦、油甘魚及鯛魚，全部都係好似好新鮮😬壽司有勁多選擇😍😍😍串燒有雞軟骨、冬菇、厚燒牛舌串，水準好平均，烤得香口🤟🏻小食有日式蒸蛋、芝士年糕、芝麻雞翼、三文魚鰭、明太子玉子、麵豉湯及牛肉湯烏冬，芝麻雞翼夠乾身及皮脆，值得一試架，三文魚鰭堅好食，好香脆，魚油十足，玉子好厚身❤️飲品有汽水，白桃同巨峰乳酸，仲有唔同嘅梳打，飲飽食醉好開心🥳鳴門割烹料理 (九龍灣)九龍灣宏照道33號國際交易中心2樓2號舖