Video
Read full review
2021-05-13
119 views
成日排晒隊好多人推介嘅「牛大人」，出名食物質素好！ 呢日終於趁早場冇咁多人黎試吓🤤🤤今次揀咗極上和牛吃到飽套餐，性價比好高❤️有M5和牛又有安格斯牛小排任你食🤤真係好掛住台灣嘅麻辣火鍋，所以揀左麻辣鍋底（小辣）止一止癮😝小辣關係，唔算好辣，但係好香好濃😋 最正係有台灣鴨血可以不停refill ，好滑好林，吸晒麻辣湯底嘅味，超正，好有台灣感覺🤤🤤醬料、蔬菜丸類、飲品都係自助形式自己攞，好整齊好衛生，選擇亦都好多，讚👍🏻🥩肉類款式非常多，由於我係嗌最貴嘅和牛餐，所以其他餐嘅肉類全部都可以嗌，不過我梗係主力食澳洲M5和牛牛肩卷同安格斯牛小排啦。呢個真係肉味香濃同油脂分布都好平均，好有口感。M5油味重啲，林身啲，安格斯牛小排就比較有口感，各有千秋！另外仲有新鮮封門柳同安格斯一口牛肉粒，由於切得比較厚身，所以更有口感，鍾意有咬口嘅你多個選擇。仲有一樣真係要介紹吓，就係比較特別嘅牛胸爽，食落去口感好正油香滿瀉🤤🐔另外試咗花雕雞件，出乎意料酒味都幾濃好入味、雞肉好滑❤️海鮮類有沙白同蝦，沙白都幾大隻新鮮兼冇沙，我都encore 左2次😎蝦我冇食，不過daddy話肉彈口嘅👍🏻另外脆鯇魚腩都好味好彈口😎飲品
成日排晒隊好多人推介嘅「牛大人」，出名食物質素好！ 呢日終於趁早場冇咁多人黎試吓🤤🤤
今次揀咗極上和牛吃到飽套餐，性價比好高❤️有M5和牛又有安格斯牛小排任你食🤤
真係好掛住台灣嘅麻辣火鍋，所以揀左麻辣鍋底（小辣）止一止癮😝小辣關係，唔算好辣，但係好香好濃😋 最正係有台灣鴨血可以不停refill ，好滑好林，吸晒麻辣湯底嘅味，超正，好有台灣感覺🤤🤤
醬料、蔬菜丸類、飲品都係自助形式自己攞，好整齊好衛生，選擇亦都好多，讚👍🏻
🥩肉類款式非常多，由於我係嗌最貴嘅和牛餐，所以其他餐嘅肉類全部都可以嗌，不過我梗係主力食澳洲M5和牛牛肩卷同安格斯牛小排啦。呢個真係肉味香濃同油脂分布都好平均，好有口感。M5油味重啲，林身啲，安格斯牛小排就比較有口感，各有千秋！另外仲有新鮮封門柳同安格斯一口牛肉粒，由於切得比較厚身，所以更有口感，鍾意有咬口嘅你多個選擇。仲有一樣真係要介紹吓，就係比較特別嘅牛胸爽，食落去口感好正油香滿瀉🤤
🐔另外試咗花雕雞件，出乎意料酒味都幾濃好入味、雞肉好滑❤️
海鮮類有沙白同蝦，沙白都幾大隻新鮮兼冇沙，我都encore 左2次😎蝦我冇食，不過daddy話肉彈口嘅👍🏻另外脆鯇魚腩都好味好彈口😎
飲品方面，自家製嘅飲品我都好鍾意，尤其是洛神花茶，酸酸甜甜好開胃，食辣啱晒。最後仲有甜品，可以揀台式仙草凍或者movenpick雪糕🍨，真係飽到抱住個肚走😋😋
Post
