Mimila (Closed)

今次介紹呢一間馬拉餐廳響沙田新城市廣場樓上，咁岩同朋友經過見到佢好似幾地道，加上我又掛住星馬嘅美食便忍不住入去trytry😋入面嘅環境營造都幾古色古香，似懷舊馬拉餐廳，不過係乾淨同埋光猛版。我同朋友目標明確就係想食佢嘅喇沙同埋蝦麵，對榴連中立的我，見到佢有一款幾特別嘅貓山王榴槤蛋糕🍰心大心細情況之下我決定同朋友一齊share一件，貪得意試吓。好快我叫嘅馬來辣蝦麵（$88）就到左啦，佢個湯真係不得了，勁鮮甜😍！聽講湯底係用咗幾十斤鮮蝦同埋不同嘅材料熬製，飲得出的真功夫。麵底方面我揀左摻摻，即係米粉溝幼麵，東南亞地方好興咁樣食，香港就比較少見，感覺地道。每碗蝦麵上面有五粒好爽的蝦，加上菜同埋芽菜，看似清澈簡單，但食落感覺一啲都唔單調，加埋佢配嘅香蒜，而且味道更香又够鮮，我鍾意喎👍😄朋友揀的咖哩喇沙湯配手撕雞（$88），咖哩湯底好似好濃，聞落去都好香，配料方面有手撕雞，豆卜同埋魚片頭，全部都係索湯嘅材料，麵底方面朋友都係揀摻摻，更加掛湯，重口味首選。😋食完兩碗面之後我哋叫店員可以上嗰件貓山王榴連蛋糕($58), 外表精緻，蛋糕頂層係滿滿嘅貓山王榴槤蓉，榴槤味特濃，而且貓山王真係好香，鍾意食榴