元朗鬼巴士 (Closed)

和友人到元朗覓食，終於食到元朗鬼巴士，之前響荃灣見過佢嘅分店，不過都冇食過，唔明點解可以岀名到衝岀元朗，介紹翻可能齋睇店名係唔知道其實佢一間賣滷味嘅小檔攤，不過其實到而家我都唔知點解佢叫元朗鬼巴士😂位置有點隔攝，係黐住豪大大雞扒旁的一個小檔。 利申一下，因為我係油麻地肥姐嘅fans，所以對於滷味已經有一個標準同埋味道要求，所以對其他嘅滷味店會有少少唔公平sor😅我哋買咗佢＄25就可以13款組合中揀三串的忘不了套餐，最後我哋揀咗生腸，雞腎同埋魷魚，大概＄8/串都算抵食。雞腎最麻麻，唔夠爽又唔夠味，生腸同埋魷魚都幾正，都爽同够味，一定要加埋黃芥辣食人仲正，雖然都唔錯，不過始終覺得肥姐果d好味d，可能習慣了😋。如果經過又想食滷味都會買黎食嘅，下次有興趣試下其他嘢食😋😋環境：6/10服務：7/10 價錢：8/10 食物質素： 7/10整體：7/10