Video
Read full review
2019-01-28
543 views
同朋友响中環行街行到見到呢間中環茶記嘅裝修好懷舊， 好似係走傳統嘅港式茶餐廳風，於是就入去試吓！！入面嘅裝修的確好港式好懷舊好有特色，令到我好想飲番一杯港式熱奶茶！😋當然要叫埋焗豬扒飯，炒貴叼，雜扒飯，同埋咖喱雞飯呢啲港式地道嘅嘢食！馬拉炒貴叼($68)够穫氣，入面嘅叉燒粒同埋鮮蝦等材料都夠足料，黃薑粉炒得好惹味。粟米魚塊飯（$68）魚肉炸得香脆大件，不過粟米汁就唔係好夠多，下次可以叫佢多汁。雜扒飯($118)豬扒牛扒雞扒煙肉再加腸仔,啲扒都幾正常，我哋點咗黑椒汁, 本身好期待佢淋汁果下會”咋”一聲, 點知我冇😞有啲失望。之後見到其他客人碟碟都有，唔通連個天都唔鍾意我😭來茶記點可以唔食焗豬扒飯（$68）？豬扒夠厚身啖啖肉，冇乜鬆肉粉味，加上炒底再加芝士落去焗，味道唔錯，不過個底就濕咗少少，乾身啲就更加完美啦！咖喱雞球配蔥油餅（$62）一般，雞球似係用上雞胸，似雞粒多啲，唔算好大舊，就好多薯仔，反而我喜歡佢配的蔥油餅，煙韌不油仲好香蔥味！來到港式茶餐廳點可以唔食唔飲番一杯港式熱奶茶？「waiter!!來一杯熱奶茶！唔該！」杯奶茶都算合格，奶味同茶味香醇，最緊要夠熱👍整體來講呢間茶餐廳都算
同朋友响中環行街行到見到呢間中環茶記嘅裝修好懷舊， 好似係走傳統嘅港式茶餐廳風，於是就入去試吓！！
入面嘅裝修的確好港式好懷舊好有特色，令到我好想飲番一杯港式熱奶茶！😋當然要叫埋焗豬扒飯，炒貴叼，雜扒飯，同埋咖喱雞飯呢啲港式地道嘅嘢食！
馬拉炒貴叼($68)够穫氣，入面嘅叉燒粒同埋鮮蝦等材料都夠足料，黃薑粉炒得好惹味。
粟米魚塊飯（$68）魚肉炸得香脆大件，不過粟米汁就唔係好夠多，下次可以叫佢多汁。
雜扒飯($118)豬扒牛扒雞扒煙肉再加腸仔,啲扒都幾正常，我哋點咗黑椒汁, 本身好期待佢淋汁果下會”咋”一聲, 點知我冇😞有啲失望。之後見到其他客人碟碟都有，唔通連個天都唔鍾意我😭
來茶記點可以唔食焗豬扒飯（$68）？豬扒夠厚身啖啖肉，冇乜鬆肉粉味，加上炒底再加芝士落去焗，味道唔錯，不過個底就濕咗少少，乾身啲就更加完美啦！
咖喱雞球配蔥油餅（$62）一般，雞球似係用上雞胸，似雞粒多啲，唔算好大舊，就好多薯仔，反而我喜歡佢配的蔥油餅，煙韌不油仲好香蔥味！
來到港式茶餐廳點可以唔食唔飲番一杯港式熱奶茶？「waiter!!來一杯熱奶茶！唔該！」杯奶茶都算合格，奶味同茶味香醇，最緊要夠熱👍
整體來講呢間茶餐廳都算不過不失，響中環行街行到攰都可以入去試吓。
—————————————————
店名：中環茶記
環境🏝：8/10
服務💁🏼♀️：7/10
價錢💰：7/10
食物質素🍝：7/10
整體🙆🏻♂️：7.2/10
地址：
中環威靈頓66號裕榮大廈地舖
Post
