🔸前菜 骨せんべい
新鮮鯖魚肉磨成魚骨形狀焗成曲奇，口感好酥脆，中間夾有拖羅蓉同埋青瓜，味道好新鮮
🔸3年熟成赤酢とブッラータチーズ
芝士香濃，口感好煙韌，表面配有木魚碎仲有炒過嘅櫻花蝦，沙律底部仲用上岡山縣嘅穀物赤醋調味，感覺refreshing!
🔸雲丹の冷やし茶碗蒸し
茶碗蒸個底用咗紫海膽，仲有椰菜花打成嘅慕絲，表面擺上北海道赤海膽，味道非常鮮甜，有驚喜！
🔸焼きホタテとポン酢ブールブランソース
北海道帶子口感好滑，燒過嘅味道好香，配埋牛油果醬、浸咗柚子汁嘅三文魚子，口感好豐富，仲有紫蘇葉花做點綴
🔸さんまの炭焼き
燒秋刀魚，口感煙韌，充滿炭香，加埋秋刀魚肝醬同埋紅椒粉醬
🔸ウズラ餃子チキンリバーパテ、キノコ
餃子入面包住法國鵪鶉腿、磨菇，仲有雞肝醬，好香濃，點埋雞汁一齊食會解膩，配搭好好
🔸アワビと手作りカバテッリバスタ
手工意粉口感軟糯，加埋北海道蝦夷鮑魚切片用上鮑魚肝醬一齊炒，味道好香濃，鹹鹹地幾開胃
🔸トロ太巻き
太卷配有吞拿魚腩，青瓜同埋蘿蔔，口感豐富好滿足
🔸松茸の地鶏スープ
新鮮松茸片燒過先放入雞湯，味道香濃
🔸甘味
特製雪糕，個底有鮮甜嘅橙肉仲有脆脆嘅焦糖榛子，加埋似薑味嘅Rosemary醬，作為一個完美嘅收尾
呢間北角隱世居酒屋真係高質享受，每道菜都好有驚喜，性價比極高！推介俾鍾意高質日式創意料理嘅你~
