Peko Peko Eatery (勝利道) (Closed)

本身去過荃灣分店，食完覺得好鬼正！但係荃灣依家好少去，所以就去咗何文田分店食。估唔到環境上都幾唔同，呢間行木系路線，小清新，坐低同朋友傾計幾嘆。香烤三文魚配香草油三文魚好厚身，勁厚肉。入面仲係好嫩滑，一啖咬落去仲有三文魚油香，呢個真係啖啖肉，超滿足。63度溫泉蛋卡邦尼雖然我唔知佢有冇63度，不過真係溫泉蛋嚟既！輕輕吉落去，啲蛋黃汁流晒出嚟，意粉沾滿蛋汁一齊食真係好正。炸胡蔴雞純碎口痕叫咗個小食，炸粉唔算厚，估唔到胡蔴醬同炸雞又幾夾喎。檸檬撻點可以冇甜品收尾呢？佢個檸檬撻酸甜度好夠，會偏酸少少，所以食落唔會濟。餅底係曲奇底，幾脆。飲品方面，我幾鍾意杯焙茶鮮奶，茶味好濃，唔甜，好啱我口味，飲完仲冇罪惡感。