真‧章魚無雙 (Moved)

依間係我食左五年以上嘅愛店，事緣我久唔久去葵廣整指甲，幾乎每次整完都會去買依間章魚燒食，已經成為左一種習慣🙈以前每粒章魚燒都係放一粒大嘅原隻章魚，口感好出色，當年我試過依間後再去大阪食唔同嘅章魚燒，唔知點解硬係覺得依間係最好食（可能咁啱係大阪試個啲比較一般🤣）

好可惜自從疫情以來改為每粒用兩粒章魚粒，口感上有落差，但整體來講仍然好足料好抵食！粉團剛剛好唔會好似食粉咁，但亦唔會太薄容易爛，醬料亦比得好闊綽👏🏻雖然長期都好多人買要等，但都整得好快，一般十分鐘內有得食，即叫即整可以保持溫度🔥以下係多年來歷久不衰、我最愛嘅四款味道：

🟠🐙 明太子章魚燒 $𝟛𝟚/𝟞 ᴘᴄs (𝟙𝟘/𝟙𝟘)
No.1最愛，本身係明太子控，依間嘅明太子味好好食同份量好多🥰

明太子章魚燒

⚫️🐙 黑松露章魚燒 $𝟛𝟝/𝟞 ᴘᴄs (𝟡/𝟙𝟘)
我最常食嘅第二名，用平時點薯條個啲黑松露沙律醬，我自己幾鐘意，不過部分人可能會覺得陣黑松露味有啲假，各花入各眼😎

黑松露章魚燒

🦀🐙 蟹膏章魚燒 $𝟛𝟝/𝟞 ᴘᴄs (𝟠/𝟙𝟘)
蟹膏份量多同味道好濃，加左少少蟹籽，個人覺得食得多會有少少漏。

蟹膏章魚燒

🥚🐙沙律蛋章魚燒 $𝟛𝟚/𝟞 ᴘᴄs (𝟙𝟘/𝟙𝟘)
我幾乎從來冇聽過人叫依款，因為佢只係普通不過嘅蛋沙律，但我有一日突然覺得食來食去都係個幾款味，心血來潮想食蛋沙律，點知好有驚喜🤩首先係佢會保留一兩件比較大件嘅烚蛋係度增加口感，其次係蛋沙律凍冰冰章魚燒熱辣辣，咁極端地放埋一齊好特別！我個人來講真係好鐘意❤️

沙律蛋章魚燒

🌟 Follow @gfgm.hk on Instagram for more 🌟