劉興記生煎包專門店

為咗佢既生煎包而嚟，上次個蟹粉好正，但已賣晒，所以揀咗瀨尿蝦，佢真係成隻蝦喺入面，勁多湯汁，同埋有蝦既鮮味，先十幾蚊一粒，好抵食。

上次食咗菜飯唔錯，今次試下麵。個湯麵正正常常，雞扒想健康啲，就叫咗煎既，雖然唔算好靚仔，但都入味，幾好食。

朋友嗰個係拌面配豬扒，一樣好大份，仲有粒原味生煎包，真係勁飽。

成個餐性價比幾高，幾十蚊就食到好飽，啲嘢食唔錯，豆漿仲要係任飲既，生煎包最出色，就算唔食其他，都一定要試個生煎包。