春水堂 (東薈城名店倉)

Open Now

Now Closed

嚟到東涌已經係下晝兩點幾時間，呢間春水堂門外有幾個人等緊位。我以為會好快，於是乎拎住好重嘅嘢去等位⋯結果等左半個鐘有多先有位。😌.//「紅燒牛肉麵」（半筋半肉）$82🍽：個人覺得湯底偏油，不過牛肉份量不算少，牛筋有就一大條，整體而言都唔錯嘅。.//「黃金香酥雞」$48🍽：外層嘅粉漿唔算厚，肉質算係偏嫩，炸完仲可以保留到肉汁。.//「凍珍珠鐵觀音奶茶」$34🍽：飲落茶香好重，個人比較鍾意茶味濃啲，珍珠口感偏軟身，較為無口感，甜度可以接受。.食物方面不過不失，但服務上我認為有待改善。職員試過將我杯野飲拎錯左去隔離檯，亦喺收餐牌同碗筷時跌咗啲嘢落地下，同埋等候時間實在好長。