Video
Read full review
2018-09-07
265 views
上星期不停落雨，周末一於約個好姊妹去high tea，一解鬱悶之氣八月係香桃的季節，見到酒店出左個白桃下午茶當然要試下一去到就當然比個環境吸引住，位高41樓的北角Harbour Grant，當然望到一片的維港不過個日天氣麻麻，沒有蔚藍的天，但都已經好舒服底層為鹹點，中間個層係鬆餅同酥，上層就係呢個下午茶的重點--白桃而飲品可以選擇Twinings tea☕ 或咖啡作為慢慢嘆個下午茶，當然揀返個Tea慢慢飲Twinings當然揀返最Classic既Earl Grey tea淡淡的茶香，不會太濃郁，岩哂午後飲不過有一個問題就係個茶壺冇保暖，所以飲一陣都開始凍了😞講返個下午茶先，由底層(鹹點)講起: 1. 燒牛肉露筍卷 (右) ⭐牛肉燒得幾香，不過較乾身，食落“鞋”口而露筍好新鮮，好大陣草青味，不過沒有汁較dry2. 龍蝦及酸忌廉意式三文治 (後) ⭐⭐⭐個醬酸甜味適中，配上新鮮龍蝦肉，十分清新開胃，真係幾欣賞個醬👍😜個三文治好鬆軟，而且吸哂個醬幾好食3. 日式照燒三文魚配芒果辣椒莎莎醬 (前) ⭐⭐個三文魚幾厚身，不過煎得軟乾，肉質唔嫩口而個醬芒果味同辣味都唔突出，亦沒有令魚的鮮味更突出中
八月係香桃的季節，見到酒店出左個白桃下午茶當然要試下
一去到就當然比個環境吸引住，位高41樓的北角Harbour Grant，當然望到一片的維港
不過個日天氣麻麻，沒有蔚藍的天，但都已經好舒服
底層為鹹點，中間個層係鬆餅同酥，上層就係呢個下午茶的重點--白桃
而飲品可以選擇Twinings tea☕ 或咖啡
作為慢慢嘆個下午茶，當然揀返個Tea慢慢飲
Twinings當然揀返最Classic既Earl Grey tea
淡淡的茶香，不會太濃郁，岩哂午後飲
不過有一個問題就係個茶壺冇保暖，所以飲一陣都開始凍了😞
講返個下午茶先，由底層(鹹點)講起:
1. 燒牛肉露筍卷 (右) ⭐
牛肉燒得幾香，不過較乾身，食落“鞋”口
而露筍好新鮮，好大陣草青味，不過沒有汁較dry
2. 龍蝦及酸忌廉意式三文治 (後) ⭐⭐⭐
個醬酸甜味適中，配上新鮮龍蝦肉，十分清新開胃，真係幾欣賞個醬👍😜
個三文治好鬆軟，而且吸哂個醬幾好食
3. 日式照燒三文魚配芒果辣椒莎莎醬 (前) ⭐⭐
個三文魚幾厚身，不過煎得軟乾，肉質唔嫩口
而個醬芒果味同辣味都唔突出，亦沒有令魚的鮮味更突出
中間個層(餅類):
1. 雞肉牛肝菌迷你酥盒 (前) ⭐⭐⭐⭐
個牛肝菌十分香，而忌廉汁亦好足味同creamy, 配埋鬆脆香口既酥餅yummy😜
2. 英式鬆餅 (後左) ⭐⭐⭐
鬆餅十分鬆軟香口，配埋cream cheese或jam更正👍果然係下午茶必備
3. 可麗露甜點 (後右) ⭐
出邊一層燒焦的焦糖，再加埋肉桂，實在太甜太甜😭
最上層: 主角--白桃甜點
1. 日本白桃杏仁撻 (左) ⭐⭐
撻皮做得幾鬆脆香口，仲要有金箔，非常吸晴😍
仲見到有好多桃肉，諗住會好多桃肉，不過食落似係果醬，甜味比較假
2. 日本白桃柚子乳酪 (中) ⭐⭐
白桃同柚子味唔重，反而乳酪味較重，似係食緊酸奶😂
3. 日本白桃青檸慕絲蛋糕 (右) ⭐
面層係白桃果凍不過唔係好重桃味
食落青檸味好重好酸，更加蓋左桃既味道
4. 日本白桃芝士蛋糕 (前) ⭐⭐⭐
呢個係咁多款甜品比較中意一款
因為佢個芝士味濃郁，而且餅底好香口，口感厚滑
不過面層係既白桃果凍一樣唔太重桃味
總括黎講: 呢到食物質素一般，但係環境一流，絕對係食環境的好餐廳
Post
