Video
Read full review
2016-11-22
230 views
朋友於灣仔返工，告知藍屋附近開了間新的西餐廳，所以放工決定去試下，順便小酌一杯，交換大家近況。我們晚上約8點到，人不多，餐廳唔大，但設有上層座位，裝修走fushion路線，牆上掛畫，擺設都不失玩味。bar枱連住門口，好close，所以挑了近門口的座位坐，貪佢可以望到BAR枱同埋廚房製作過程。 剛坐低，侍應便笑容滿面的過來招呼我地，因為我地唔好酒，所以佢推介左lemongrass soda俾我，朋友就點左strawberries coconut mojito。飲品雖然足料，但味道偏淡，唔算濃，如果濃味啲會更突出。 先來了碟腐皮炸蝦卷，外皮炸得香脆，原隻大蝦被腐皮包著，點黑醋汁中和了煎炸的味道，多了份開胃感。 再來了份牛尾春卷，不得不讚這春卷炸得超脆，豬油網薄薄的把牛尾包裹，每咬一口都發出清脆的響聲，邪惡非常!雖經高温油炸，但牛尾咬落去不覺乾，還有肉汁，配上其自家制辣椒沙律醬，真的是一流。也可以話呢個辣椒沙律精妙之處係令春卷的味道大大提升。 因為想食啲菜平衡一下，所以點了份烤茄子。茄子多汁，上面鋪了一層厚厚的墨西哥小米和葱花，小米預先經調味，吃得出帶點香辣。
剛坐低，侍應便笑容滿面的過來招呼我地，因為我地唔好酒，所以佢推介左lemongrass soda俾我，朋友就點左strawberries coconut mojito。飲品雖然足料，但味道偏淡，唔算濃，如果濃味啲會更突出。
先來了碟腐皮炸蝦卷，外皮炸得香脆，原隻大蝦被腐皮包著，點黑醋汁中和了煎炸的味道，多了份開胃感。
再來了份牛尾春卷，不得不讚這春卷炸得超脆，豬油網薄薄的把牛尾包裹，每咬一口都發出清脆的響聲，邪惡非常!雖經高温油炸，但牛尾咬落去不覺乾，還有肉汁，配上其自家制辣椒沙律醬，真的是一流。也可以話呢個辣椒沙律精妙之處係令春卷的味道大大提升。
因為想食啲菜平衡一下，所以點了份烤茄子。茄子多汁，上面鋪了一層厚厚的墨西哥小米和葱花，小米預先經調味，吃得出帶點香辣。這個小吃頗不錯，幾啱唔想食飯但又想飽肚的朋友。
主菜只點了一個香煎amadai，鯛魚本身的鱗片和魚一併煎香，鱗片好脆，感覺好似食緊薯片。茄汁配上磨菇煮成的米形粉，湯汁好濃稠，打成泡沫，再鋪上鮮紅的花瓣，造形好靚。味道更令人驚喜，魚好滑嫩，魚味亦濃，我好鍾意佢個湯汁，感覺似飲緊龍蝦湯。成個配搭係味道及造型上面都令人驚喜。
最後點了Aroma sundae，芝麻味和豆腐味雪糕味道也濃，配上鮮橙，好開胃，消除了剛才的煎炸感。
餐廳細細，但格局四正及有情調。每道菜賣相亦具心思，插上了淡紫色的紫蘇花，賞心悅目。開放式廚房設計，可以近距離望到廚師們忙碌的身影聚精會神地炮製美食，更是一種視覺上的享受。食物的香味飄送，彌漫於空氣中，小巧精緻的份量配上親民實惠的價錢，三五知己或情侶黎食晚飯或飲下野合適不過。
Post
