Video
Read full review
2025-02-03
796 views
放工來到A lux食晚飯，來試一下佢的Tasting Menu順道慶祝一下新年。因為一早book好枱，除左有8折優惠抵食左，黎到張枱已經準備好，仲有玫瑰花瓣佈置，好有氣氛，。餐包後先來開胃小菜，蜜糖芥末青瓜青蘋果雞胸薄脆，爽口嘅青瓜，新鮮嘅雞胸肉，係輕薄嘅脆脆入邊，再用上蜜糖芥茉醬作為點綴，為一餐盛宴揭開序幕。頭盤龍蝦湯，香濃嘅龍蝦湯配上新鮮龍蝦肉做嘅意大利雲吞，簡單又永恒的美味。蒜油意粉用上頂級嘅意大利橄欖油，同埋扭扭形狀嘅意粉，完全吸收咗蒜蓉同埋橄欖油嘅香味，新鮮嘅蘆筍同埋豬肉香腸令意粉生色不少。另一道意粉則大廚喺席前灸燒24個月帕瑪森起司，再將芝士同意粉攪拌，最後放上大量嘅新鮮黑松露，彈牙嘅意粉配上香濃嘅芝士醬汁，仲有黑松露散發出嘅獨特香味，絕對係視覺享受，色香味俱全。主菜選了４成熟美國肉眼牛排火候適中，粉嫩的牛肉，肉味香濃，令人食指大動，田園特色嘅擺盤擺脫了單調。厚切鱈魚扒配上馬賽魚湯，魚肉新鮮有咬口，配菜更加用上墨魚，進食嘅時候感覺就像身在意大利海邊嘅餐廳，好清新。一月係天主教嘅國王節，所以餐廳準備咗開心果國王餅，鬆脆嘅酥皮包住開心果餡料，感覺不甜不膩，配上雪糕口感極佳。仲有
餐包後先來開胃小菜，蜜糖芥末青瓜青蘋果雞胸薄脆，爽口嘅青瓜，新鮮嘅雞胸肉，係輕薄嘅脆脆入邊，再用上蜜糖芥茉醬作為點綴，為一餐盛宴揭開序幕。
頭盤龍蝦湯，香濃嘅龍蝦湯配上新鮮龍蝦肉做嘅意大利雲吞，簡單又永恒的美味。
蒜油意粉用上頂級嘅意大利橄欖油，同埋扭扭形狀嘅意粉，完全吸收咗蒜蓉同埋橄欖油嘅香味，新鮮嘅蘆筍同埋豬肉香腸令意粉生色不少。
另一道意粉則大廚喺席前灸燒24個月帕瑪森起司，再將芝士同意粉攪拌，最後放上大量嘅新鮮黑松露，彈牙嘅意粉配上香濃嘅芝士醬汁，仲有黑松露散發出嘅獨特香味，絕對係視覺享受，色香味俱全。
主菜選了４成熟美國肉眼牛排火候適中，粉嫩的牛肉，肉味香濃，令人食指大動，田園特色嘅擺盤擺脫了單調。
厚切鱈魚扒配上馬賽魚湯，魚肉新鮮有咬口，配菜更加用上墨魚，進食嘅時候感覺就像身在意大利海邊嘅餐廳，好清新。
一月係天主教嘅國王節，所以餐廳準備咗開心果國王餅，鬆脆嘅酥皮包住開心果餡料，感覺不甜不膩，配上雪糕口感極佳。仲有餅乾朱古力等小點，最後飲埋杯拉花Latte，氛圍感滿滿，perfect多~
Post
