Gastrobox by Okapi Cafe (Closed)

西貢玩左成日，最後食埋晚餐先走。揀左Okapi Cafe食西餐，諗住為星期日劃上完美的句號。 餐廳夜間幾有情調，有2層。一枱一燈都帶點浪漫，而且每枱都點上燭光，情侶黎食飯都幾有情調。 晚餐選擇不算多，我地4人剛好點晒餐牌上的4個選擇。先上的是餐沙律和餐湯，正常水準，不過沙律菜略油。粟米湯則頗清甜。野菌田螺天使麵份量多，料都足，麵底都做得乾身，不過就有一點散，但味道不俗。燒春雞原隻上，肉嫩多汁，好食。豬扒夠肉厚，切開入面白裏透少少粉紅，啖啖肉，啱晒我地。最後的澳洲西冷扒，肥美多汁，入面係嫩紅色，唔會煎得過火，所以都不錯。最後食埋跟餐的個焦糖布甸。布甸做得好好，甜度唔過份，布甸則好滑，奶味又夠，配上焦糖同食，頗有水準。最後每人埋單連加一$250左右，仲有埋餐飲餐包，算好抵食。唔想同人迫食海鮮，改食下西餐，都係另一個選擇。