Video
Read full review
2025-01-19
312 views
放工俾同事帶來這間設計有特色的酒吧飲嘢，鬆一鬆！坐低點了兩杯Cocktail 。Kissaten，由冧酒，雪利酒，嗓子，焦糖，同埋espresso 調配而成，咖啡同酒嘅比例恰到好處，喺急速嘅生活之中，令人回想到底要放鬆心情，還是要集中享受即將來臨嘅美食。Empress，由日系氈酒，酸蘋果酒，青檸調配而成，小清新嘅味道配上型格嘅擺盤，令人拍案叫絕。脆核桃小女子，小女子是何許人，小甜魚是也，作為助酒前菜，恰如其份。無花果脆薯蟹籽沙律, 以色列嘅無花果配上輕輕炸過嘅薯絲，再加埋鮑汁嘅蟹籽同埋青瓜絲，無論係味道同埋賣相都係一流。迷你蟹黃蟹肉窩夫撻，鬆脆嘅外皮，包住啖啖鮮甜嘅蟹肉同埋甘香嘅蟹黃，絕對係呢間餐廳嘅一絕。日式燒雞中翼勁juicy。西班牙黑豚玉子燒，喺玉子燒上面包住巴馬火腿，鹹香同埋蛋香撈埋一齊，估唔到又幾好食。日本豆腐，上枱嘅時候仲以為係玉子燒，但係原來係一粒粒嘅豆腐，喺上面加咗燒汁同埋木魚碎，另有一番風味。雞翼釀鮑魚，大大隻鮑魚釀喺雞翼入邊，上枱仲用鮑魚殼擺盤，心機之作喺其他日式串燒店都少見。北海道辣味魷魚肝汁松葉蟹肉意大利麵，蟹肉比意大利麵還要多，爽脆嘅青瓜為呢碟主食增加層次，好
Kissaten，由冧酒，雪利酒，嗓子，焦糖，同埋espresso 調配而成，咖啡同酒嘅比例恰到好處，喺急速嘅生活之中，令人回想到底要放鬆心情，還是要集中享受即將來臨嘅美食。
Empress，由日系氈酒，酸蘋果酒，青檸調配而成，小清新嘅味道配上型格嘅擺盤，令人拍案叫絕。
脆核桃小女子，小女子是何許人，小甜魚是也，作為助酒前菜，恰如其份。
無花果脆薯蟹籽沙律, 以色列嘅無花果配上輕輕炸過嘅薯絲，再加埋鮑汁嘅蟹籽同埋青瓜絲，無論係味道同埋賣相都係一流。
迷你蟹黃蟹肉窩夫撻，鬆脆嘅外皮，包住啖啖鮮甜嘅蟹肉同埋甘香嘅蟹黃，絕對係呢間餐廳嘅一絕。日式燒雞中翼勁juicy。
西班牙黑豚玉子燒，喺玉子燒上面包住巴馬火腿，鹹香同埋蛋香撈埋一齊，估唔到又幾好食。日本豆腐，上枱嘅時候仲以為係玉子燒，但係原來係一粒粒嘅豆腐，喺上面加咗燒汁同埋木魚碎，另有一番風味。
雞翼釀鮑魚，大大隻鮑魚釀喺雞翼入邊，上枱仲用鮑魚殼擺盤，心機之作喺其他日式串燒店都少見。
北海道辣味魷魚肝汁松葉蟹肉意大利麵，蟹肉比意大利麵還要多，爽脆嘅青瓜為呢碟主食增加層次，好一道意日fusion菜。
香蔥拖羅三色紫菜taco壽司手卷，香脆嘅紫菜夾住新鮮嘅吞拿魚蓉，帶子仲有三文魚子，上面再加上香蔥，好一道好味得黎又有份量嘅墨西哥日本菜。
自家製紅豆布丁，滑滑嘅布甸再加上日本金時，甜而不膩。菠蘿焦糖燒，輕灸燒過嘅新鮮菠蘿甘香可口，為完美嘅一餐畫上句號。
Post
