極尚大瀛喜日本料理

Open Now

Now Closed

每次黎都排滿人，無例外，所以一定要訂位，入座先點野食再到自助區拎飲品係指定動作！不過因為我地食8:30嗰轉，所以熟食區有啲食物已經被人清空了，但手機點餐的食物種類仍然好豐富。二人枱其實有點細，因為食物上枱好快，點菜要有策略。當然刺身一定係先黎。北寄貝、BB象拔蚌、海蜇、赤貝、三文魚、帶子、甜蝦、赤蝦、松葉蟹腳等，款款都新鮮肥美，一定要食兩轉！！仲有必食泰式凍鮑魚，咁就一定回本！再來燒物有燒羊架、西京燒比目魚、蒲燒鰻魚、芝士黃金醬燒開邊蝦，保持水準，尤其比目魚好嫩滑。食完刺身當然要飲碗熱湯，蟲草花煲雞好清甜，食埋紋甲魷魚拼玻璃蝦、芝麻雞翼、海膽手卷，就去燒物環節！鹽燒牛舌是最愛，燒得入味，點了半打，紅燒乳鴿皇香口，榴槤好正，好creamy！川味蒸蠔點了一打，每隻都肥美，仲有;月滿蒜粒，還有芥末沙拉蝦球好彈牙、鮑汁花膠盛宴，都好入味！平時不太食壽司，但呢度啲壽司要一試，拖羅、柚子油甘魚腩、黑松露赤蝦、黑松露劍魚腩、黑松露赤蝦，飯唔大，好足料，與其食主食，不如食兩件壽司更飽肚。炸物有天婦羅蝦、皇帝蟹棒、秋葵、鐵板燒汁蒜片一口牛、燒翠玉瓜、菠蘿等。最後食埋一轉甜品就收手，一盒盒獨立包裝，細細件