日本野 (Closed)

OT的星期日，大早返完工，再約朋友shopping 直落。午餐經佢推薦來到日本野，因為她和同事常來。環境乾淨企理，枱與枱相隔一定距離，坐得舒服。午餐餐牌選擇不算多，但勝在很抵食！$58蚊大大個温泉蛋牛肉丼飯，温泉蛋做到好流心，牛肉份量多且牛味濃，飯的份量仲多！我點的是吉列牛丼組合，牛肉放在石板上燒的那種！有麵豉湯、飯跟餐。吉列牛長長一條，已經炸脆，看得到肉中雪白牛花。放上石板燒一燒即可食！點上沙律醬，配上紫菜飯，滋味真是一流。點了一客三文魚刺身，估佢唔到咁厚切，件件都有如肥豬肉，令我地過足刺身癮。蟹子沙律又係估佢唔到，因為份量好多！滿滿的蟹子和蟹柳鋪面，如果記得元朗壽司店的巨量級蟹子沙律，咁呢度都都異曲同工之妙！最後點的水信玄餅和心太軟，味道雖然不算很突出，但也令人滿意。日本餐廳食到熱辣辣心太軟，卻也是意想不到。如果想坐得舒舒服服又想以實惠價食到日本菜，這裏真的是十分不錯的選擇！