牛站(駅)麻辣火鍋放題

Open Now

Now Closed

同事個個都推介牛駅麻辣放題，今日難得提早放工，當然要去試下。晚市黎到，已經坐滿左人。餐廳座位亦闊落。有自助區放滿各種食物。同時可以QR code落單，添加食物！台式火鍋係牛駅特色，不少食材由台灣直送，我們選了$288的美國特級肩胛肉眼片套餐，可以任食SRF美國肩胛肉眼、美國極黑和牛、巴西牛脷托、美國豬梅肉、澳洲羊肉和花雕酒雞翼、白鱔、青口等。飲品超級多選擇，清酒、梅酒、啤酒、汔水，茶飲等都任飲！任食區域選擇都好豐富，麻辣小龍蝦、泰式鳳爪、帶子裙邊、麻辣雞翼尖、麻辣豬脷、中華沙律仲有車厘子、桔仔，所以未食火鍋前，已經過足口癮！然後又拎蔬菜、羽衣甘藍、芋絲、丸、金菇、冬菇等。我地鴛鴦鍋一邊係雪梨蘋果豬骨，用黎烚菜，另一邊係麻辣用黎烚肉。火鍋料選擇足夠，蝦、鱔片、帶子等都很新鮮！仲有花雕雞翼、牛筋、牛肚、蝦滑等。肩胛片雖然不算厚切，但大大塊，牛味好夠。羊肉、豚肉都好味！牛脷托爽口彈牙，一邊飲酒一邊食肉，食得好滿足。仲要有熱清酒任飲，食完成身暖笠笠。黑糖糍粑一定要食~最後仲食左2碗椰汁雪燕、雪糕、tiramisu、芋圓先停手。這個放題絕對值得encore，性價比好高！