煮角 (Closed)

之前睇報紙，見到呢間推介的誠意小店，價錢親民，賣相吸引，已心動良久。咁啱即興相約成功，二話不說7PM長沙灣地鐵見。一行三人，出了長沙灣站，但原來小店近荔枝角，唯有由街頭行返街尾。揾呀揾，行呀行，終於揾到，仲唔使等位。坐低即刻點想食的。餐牌有好幾個，食物選擇很多，但心中想食的只有那幾個。這是間由5個男人齊手開設的小店，大部份人出身自酒店，所以食物味道有保證。可惜當晚有幾道菜的食材都話賣晒，有點失望。點解會咁？時間仲好早啫~不過無所謂，因為仲有好多選擇。餐速度要改善，真係好慢下，但我地唔趕時間，佢地又無趕我地，所以食完又不斷追加，加上落大雨，人又唔係太多，我地一食食左成3個鐘。食物的味道真的很不錯，價錢又唔貴，賣相又幾靚，真係啱晒相機先食的朋友。整體黎講，好滿意，會有下次。希望下次黎，上餐速度會有改善。