紅豆烘焙 (華美大廈)

Open Now

Now Closed

之前包膠過最出名既嘉多娜法式布甸包🤤，有留意布甸包既相信都識另一間紅豆烘焙。呢間特別之處係口味更多，同埋易買好多😍。上次夜晚8點幾經過得返原味所以無買，呢次差唔多時間反而有朱古力味出爐又唔使排隊梗係試下佢😎。🔅布甸包(朱古力) ($18)由於都係鐘意食熱既包所以拎左去氣炸左約5分鐘。包體焗完好脆，但無嘉多娜咁煙韌，中間布甸少少流心，口感幾滑。佢既朱古力味比較似阿華田味，同埋竟然唔係好甜，又唔係cheap cheap朱古力味。💬嘉多娜平時大排長龍，返工人士真係好難買🙈。呢間比較就腳啲，口味多啲，價錢亦唔算貴，最緊要係唔使排隊😍，8點幾都買到。可能之前有睇過其他foodies分享好壞參半，抱住試一試既心態發現意外地唔差😝。