Video
Opening Hours
Today
10:30 - 22:00
Mon - Sun
10:30 - 22:00
Above information is for reference only. Please check details with the restaurant.
史努比唔知死 又去食壽司郎🫣因為之前大家話鐘意睇每月實測而史努比見到今個月啲款又好似唔錯咁就去試下啦有睇史努比社交平台可能都知咩事其實都唔系由頭伏到落腳趾尾嘅😌史努比公平嘅 有嘢值得讚就讚咗先😂👍🏿大切油甘魚腩 $17其實呢款壽司郎以前都出過史努比好鐘意♥️真系比平時嘅油甘魚厚切好多😳大大塊油甘魚放入口魚油充滿成個口腔啖啖油香🤤但又唔會肥到膩 keep到水準同性價比👍🏿味道: 9/10性價比: 9/10👍🏿劍魚大拖羅 $17呢款系新出嘅 有啲驚喜雖然賣相好醜😂同埋冇油甘魚腩咁大塊但肉質細滑口感軟嫩🤤魚油非常豐富 接近入口即溶😳系幾好食嘅味道: 8.5/10性價比: 8/10👎🏿黑鮪吞拿魚鮫腩 $27大伏 超超超伏!齋睇樣其實已經feel到伏味濃🥹入口唔系魚油充斥口腔系吞拿魚筋充斥口腔😌魚唔嫩 雖然未去到起沙 但口感奇怪仲要腥架omg🥲味道: 0/10性價比: 0/10👎🏿鯣烏賊天婦羅拼盤 $17唔系誇張 嚟到聞到嗰陣重用油嘅味用筷子撳你會發覺可以bit到油出嚟🥶放入口仲使問嘅 咪就系一口油囉☹️油到我哋最後系搣晒啲天婦羅炸漿淨系食魷魚魷魚唔韌 都爽口嘅但好細舊 系炸漿嘅1/3都唔知有冇😟魷魚鬚就好似 at least唔到太細舊但都完全唔值 唔使試🚁味道: 1/10性價比: 1/10👎🏿鱈魚白子軍艦 $17史努比其實好鐘意食白子嘅🫣平時壽司郎嘅質素都唔錯 但今次嘅真系令人大失所望質感淋bla bla同平時嘅好唔同似系唔新鮮🥹味道: 4/10性價比: 3/10👎🏿碳烤寒鰆魚 $17望落去個樣都系伏伏地😅不過食落唔腥嘅 純粹系冇味咁解連少少魚味都唔覺有 唔建議😌味道: 4/10性價比: 3/10👌🏿綿綿脂海鰻 $17有啲似佢之前出嘅梳乎厘海鰻但今次嘅明顯薄身啲唔知點解冇咗啲燒汁味道上差咁啲😗同埋食落唔夠之前嘅咁soft相反肉質比較扎實冇咁好食 普通味道: 6.5/10性價比: 6/10👌🏿牛肉舞茸時雨煮海苔包 $12得好少好少嘅牛肉 甚至乎都唔系好食得出佢嘅存在😗舞茸菇同佢甜甜地嘅汁系幾夾嘅12蚊唔算好貴但當你諗到全部都系菇嘅時候又會覺得唔抵🤔可以skip味道: 6/10性價比: 5/10👌🏿三文魚蓉拌海鮮軍艦 $12賣相真系超醜樣😂同埋兩件軍艦比例嚴重失衡🫣史努比嗰件就淨系得三文魚蓉 ok嘅但冇乜特別媽媽👩🏻嗰件應該mix咗吞拿魚佢話食到有筋好韌 都系食返蔥吞好過 同樣$12🤔味道: 5/10性價比: 5/10👌🏿拖羅池魚 $12諗住池魚都系伏架啦點知又唔算好伏😂At least唔會系腥嘅質感幾滑 亦唔系鹹魚😂Ok嘅但冇乜特別咁解$12可以一戰味道: 7/10性價比: 8/10*另設加一服務費*甜品望落都覺得伏就唔試啦加上胃容量有限 試唔到拉麵🙌🏿每個月望落吸引點知伏咗應該成個月都唔會再食😌如果真系想去嘅話油甘魚腩同劍魚腩都系幾好嘅但記住呢舊輻射吞拿魚腩😤唔!好!嗌!!本月推薦指數: 0/10-
continue reading
有d壽司乾既 好鬼難食 菜碗蒸又要等20幾分鐘服務差 態度差 留左單 叫佢地追單 等十世都未來 重要聽到佢地係廚房講其他客壞話(可能因為我地坐得比較近個廚房) 都5知間鋪個垃圾店長搞咩鬼野 管到d人甘鬼樣 食屎算啦D野食有蟲既 吊那星啊 帶上面既三文魚有隻細細既蚊係上面郁下郁下 好撚核突個d枱、部點餐機又黐立立 有冇清潔過架？最核突既係 佢d雪糕啊❗️❗️❗️佢個帶運d雪糕過來個陣 會撞到個膠板 你d膠板係每1/2個鐘清潔一次？ 但我要見到佢個板黑黑地囉🤮d雪糕就甘撞到個板運過來比d客食 真係好噁心🤮🤮🤮廚房叫到 係出面聽到煩 又大聲又難聽把聲 細聲d都叫重可以接受 當係日本文化 但大聲到想入去叫佢地收聲 好刺耳
continue reading
間唔中下午2點時段我都會1個人嚟食壽司郎🤭🤭因為一般呢個時間都唔使等位👍🏻👍🏻一個人又可以慢慢嘆壽司🍣飲返杯綠茶🍵我通常都會叫3-4碟左右就夠食我好鍾意食呢度嘅牛油果三文魚卷😋😋三文魚子軍艦😍😍同埋帶子壽司 🍣覺得全部都好鮮味 當個下午茶咁食三四碟真係已經好滿足😌😌我覺得壽司郎平均價錢都算幾優惠比起其他壽司舖可能埋單仲平啲但係感覺食嘅味道又好食啲😂😂如果一般中午時間其實係要等位嘅試過都要等大約一個鐘多啲 但如果兩點呢啲時間多數都唔使等位，可以直接入去🫶🏻
continue reading
冇食午餐所以就食個下午茶樓下有壽司郞記得佢有個逢星期一至五先有嘅下午茶餐就一個人入去試下由店員帶位入座之後用平板電腦點餐點咗個赤身壽司盛合配拉麵魚蝦蟹軍艦三味烏賊三味蔥花吞拿魚軍艦好快就由運輸帶送餐拉麵湯配蔥花真係絕配湯唔太鹹，食完唔會好口渴壽司飯就好結實唔會一夾就散味道就唔太識評論不過好食呢個價錢食個下午茶雖然係貴少少但性價比高當然有一部分價錢係去食個service 餐廳環境整潔企理店員服務態度好好加一絕對俾得過好過另一間連鎖壽司店會繼續幫襯
continue reading
每次經過將軍澳TKO Get away唔知點解都會走咗入壽司郎食嘢今日下午茶時間嚟食唔需要等位非常之好🤣🤣因為平時如果你午餐時段或者晚飯時段已經係超多人排隊我最鍾意佢啲壽司價錢親民，雖然佢唔多款式，但係佢都會保持一定嘅水準👍🏻👍🏻今日我哋三個人食，每人食咗平均10碟壽司今個月佢都有定期一啲新款季節嘅壽司推介但係我每次嚟必食，都會係食佢嘅甜品，抹茶雪糕其實真係做得好出色👍🏻👍🏻其次佢仲有一個芝士蛋卡達拉娜呢個都好好味，不過今次太飽留返下次再食
continue reading