49
9
1
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
Recommended Dishes
尋日我地一行6人去左呢間鋪食野，樓面得3個人已經見到佢地好忙，再加上客人不停甘舉手問野都表現出一種專業精神，言語雖然好急，但都快速解決問題食物方面就中上水平囉，有好有壞，我地點左3個二人餐，有湯，有小菜，煲仔飯，仲有燒雞。當中燒雞最為出色（ 時間容許的話可以選擇食燒雞）， 煲仔飯中規中矩，至於小菜（ 柱侯蘿蔔牛腩煲 同魚香茄子煲 ）就較為差牛腩唔夠諗，茄子油勁多到埋單嘅時候經理哥哥都好好人同我哋講， 呢度有啲糖可以隨便拎清一清個口腔， 能夠做到呢一點真係買少見少，大讚
continue reading
香港食市服務態度差，已經出名排行第一，價錢又貴，品質差，難怪香港人北上消費，應該自我檢討！顧客入門口無人招呼，店員黑口黑面問一句答半句，滾水要求至奉上，如要茶須付費，燒雞要自己剪，太危險發生意外誰人負責？原本想加食物，但不願再留多一回，亦冇下次！
continue reading
星期五自己一個喺點煲食飯，真係一個好享受！🥢 一入去就覺得好溫馨，裝修得舒服得滯。率先試咗碟花雕浸雞腎，估唔到咁彈牙，花雕味又馥郁，正啊！咁點少得嚟試下佢哋嘅招牌—備長炭火燒雞？👀 等咗一陣，隻雞熱騰騰上枱，仲帶咗班剪刀、手套嚟，意思係要自己剪，好有趣！雞皮香脆到嚟又帶少少甜，肉質鮮美、汁水充足，從來未試過咁好食嘅燒雞。再有，個煲仔飯都超級出色。我叫咗金銀蒜蓉蝦煲仔飯，飯香勁出，個蝦仁甜滋滋，同啲金銀蒜一撈，每啖都夾雜著香脆同鮮甜。食到底部嗰啲飯焦，真係幾正啦！🥘總括嚟講，呢間點煲嘅燒雞同煲仔飯都算係掂過吓，尤其係嗰烤雞，我一個人都輕鬆可以清曬隻雞，咁好食嘅嘢，下次一定要同班朋友一齊再嚟試下其他嘅菜式！
continue reading
【點煲暖笠笠煲仔飯 好味但衛生情況要提升☹️】天氣最近開始轉冷中午都會想食啲熱嘢暖下個胃😋 我去過食《點煲》煲仔飯，佢嘅午餐時段都需要排隊，大約等10零分鐘先可以入座。本身佢問我哋四人會唔會分開兩個兩個咁食，但一齊食飯又好難share食物…後尾我哋講返唔想分開，佢就帶咗我哋去一張五人枱😂我哋四個人，點了一個二人餐+1個小菜再加一客青菜，大家都食到好飽！🐔老火雞腳湯因為本人真係好鍾意飲中湯，而且燉盅上嘅湯好似更加保溫，飲落真係幾舒服🥰♨️點心跟餐仲有一籠點心— 有啲🐷豬仔款或者🍄蘑菇包做人都幾特別，雖然都唔會話特別好食，可能都係造型取勝。🍆魚香茄子茄子真係好好食而且好夠鑊氣，上獲咋咋⚡️⚡️聲咬落口仲係熱辣辣、亦到非常惹味，有少少辣味，送飯好啱👍🏻🍲蘿蔔牛筋腩煲牛筋燘得幾腍，食落口係滿滿嘅骨膠原😆 蘿蔔熟啲會再好食啲不過都幾香嘅🍲臘腸潤腸煲仔飯而家已經好少食到臘腸同潤腸飯😹 臘腸我覺得都幾有鹹香，不過潤腸始終係內臟食落感覺有少少腥味…個人唔太喜歡。不過煲仔飯最正係煲底入面嘅飯真係有飯焦粒，脆卜卜好好食！同場加映雞油撈飯🍚邪惡嘅極致級別😈🥬青菜一客本身係嗌生菜單上賽後竟然見到有隻蚊係菜上面🦟🤢我哋冇影低就送走左，後尾我哋見到待應拎走後直接攞隻手卒走上面隻蚊…侍應嘅做法好似有欠衛生…之後我地就即刻轉左菜心，味道正常整體嚟講其實都幾好食，而且價錢都唔算貴，晚市嘅餐牌有一個「內長炭火燒雞」，望落非常吸引，不過因為衛生情況都唔係太好以太古咁多選擇嚟講，暫時未必會再返嚟食。推介指蚊：3.2/5⭐️
continue reading
成日去太古城中心，經過都見到呢間，一直都想吓，今晚見到人排隊就同男朋友去食啦~首先我哋叫咗個陳皮鴨腿煲仔湯飯，另外見到最出名係30分鐘即叫即燒嘅備長炭火燒雞，所以一開頭叫燒雞之前，問咗位好人經理。佢話如果想剪嘅話可以幫我哋剪開隻燒雞，因為本身係原隻上。所以我地先決定叫。好啦，30分鐘之後隻燒雞到咗。我哋見到好吸引！就即刻叫另一位經理上嚟幫我哋剪。點知佢話呢啲我哋唔會幫你地剪架喎，你哋自己剪。哇200隻雞仲要收加一，幫客剪幾下雞都唔肯，咁嘅態度😅😅除咗呢個人之外全部都ok，大家可以試下的。
continue reading