Video
Telephone
21944553
Additional Information
自來海鮮加工
Opening Hours
Mon - Thu
07:00 - 18:00
Fri - Sun
07:00 - 23:00
Public Holiday
07:00 - 23:00
Above information is for reference only. Please check details with the restaurant.
Review (14)
餐廳係分上下兩層的，平日堂食主要在下層，䌓忙時間會開放埋上層的。而我去幫襯的時候，係約埋朋友7個人喺上層開 Party，食小炒，老闆都可以預留上層比我，無另外收費。（我諗若果星期六日的繁忙時間預訂要再預早多幾日book穩陣啲。）首先想講當晚我叫左既食物及質素先！我點左以下幾味小炒。1. 香口鼓油王蝦轆廚師炒到啲蝦殻好脆，可以連殻一齊食，而蝦肉都可以保持到新鮮爽滑彈牙。係好岩做主菜之前既野味頭盤。配撘啤酒或汽水，正！2. 野味辣酒煮花螺 本人超愛食辣的，哩煲螺攪到我不能自拔，我係越食越喜愛，食到最後一粒。因為辣味適中，而螺肉仲係好嫩滑，好入味。諗返都十分回味，必試！3. 香爆薑蔥煲仔蠔又肥又大隻的蠔，非常 Juicy，而且係煲仔煮，熱辣辣咁上，都係好正，好香；若你都鐘意食蠔的話，哩個都係必然選擇。4. 鮮甜薑蔥鮮魷 這味菜亦都係非常新鮮，爽口彈牙。估唔到有咁多驚喜，幾味餸都有水準，同老闆傾談間知道，佢地收到order後，會先訂定貨，因西貢有很多海鮮檔，你地食飯當日佢地先去攞貨，保証食到新鮮食物。5. 黑椒牛脷粒香味十足，再加上煙煙韌韌的口感，簡直食完一粒不禁又要再食第二粒。6. 脆皮南乳吊燒雞最後一味介紹既係哩間餐廳既出名小菜，脆皮南乳吊燒雞，雞皮炸到非常薄、十分脆卜卜；而雞肉卻保持到非常嫩滑，怪不得成為震店的出名小菜；據說這味菜需要很長時間去烹調，廚師要用滾油不斷重覆淋在吊起的雞皮上，直至雞皮做到皮薄及卜卜脆的效果。咁覆雜的煮法，怪不得咁好食，有機會去到西貢，一定要叫黎試試。以上幾味小菜，估唔到味味都有水準，以往我覺得茶記都係啲碟頭飯，件豬排煎得香啲已經覺得搵到間好野要記底；但今次去開 party（因貪佢有上層，包左上層玩得嘈啲都唔怕），竟發現茶餐廳都有咁好既食物質素，今次既經歷記憶好深刻；老闆親切友善，好好傾。下次到西貢一定會再去食同試下佢其他小菜，相信都會有驚喜。
continue reading
好有水準！估佢唔倒茶記咁出色！個雞好正！炒䙺又甜！生炒骨又入味...大大件...佢個牛脷都認真好味...下午茶個奶油豬平靚正過x華囉！好有港式風味...值得回頭既小店...地方唔大...但四四正正...地點都算便利..伙記好social...少有既人情味食肆！好多去食大集團啦...雖然未試過帶嘢去煮...但手勢火喉信得過...識食梗係食茶記...絕對係「為食」既首選！好少茶記叫乜都好味！蝦又大隻又鮮甜！
continue reading
之前食開通x原本自己買海鮮，原來可以打去代去街市買海鮮，價錢平過大鋪一大節。買了巨形瀨尿蝦，吊筒，加工費一百完都唔洗。環境都唔錯。三四個人食的好地方，坐得舒服。還有凍檸茶奶茶一般茶餐廳飲品供應。值得推介。下次會返來食的好地方。
continue reading
我想除了九龍城之外，西貢（不計算將軍澳在內）的泰國菜餐廳佔全區所有餐廳的比例，應該是其餘地區之中最高。根據我在開飯網的資料自行統計所見，大概現存西貢的一般食店大約241間，其中有9間是泰國菜餐廳，佔全西貢食店約3.7%左右。這個比例跟一般港九地區相比其實挺高，銅鑼灣大約有一千餘間食店，當中有22間泰國菜館。你可能會問我，幹嘛在一間普通茶餐廳食評中提及泰國菜館？因為今次我介紹的「陶記茶餐廳」，它的前身正正就是一間泰國菜館！那間泰國菜館叫做「美泰菜館」，在「美泰」結業後，「陶記茶餐廳」接手繼續營業，內部裝修大致上沒有太大改動，就連門口招牌的設計都幾乎保留「美泰」時的風格，只是換了餐廳名牌而已。當然，「陶記」接手「美泰」結業後遺留下的店舖後，不等於「陶記」賣的菜式都會跟「美泰」一樣是泰國菜。「陶記」賣的菜式，大致上還是一般茶餐廳會食到的食物。連午餐的餐牌都是差不多，唯一分別就是，他們用來盛餐的餐具，出乎我的意料之外。詳細一點說，「陶記」接手「美泰」的生意後，連「美泰」原有生財工具、架生都一一繼承過來。就像我今次點的「鮮茄汁焗雞扒飯」，他們用來盛載飯菜的餐具，都竟然是充滿泰國菜風格。始料不及「陶記」盛載焗飯的食具，竟然不是一般茶餐廳會見到的不碎易潔瓷器，而是原隻小型不銹鋼鑊。不曉得他們是先用不銹鋼鑊炒好鮮茄雞扒飯，然後再放入焗爐；還是預先準備好焗飯材料，然後逐層鋪上炒飯、雞扒、鮮茄和芝士在不銹鋼鑊内，最後才放入焗爐內焗熱。但可以肯定的是，「陶記」的焗飯份量比我想像中來得更大，更多。「陶記」的焗鮮茄雞扒飯竟然是連鑊一起上檯，整個焗鮮茄雞扒飯真的很「大鑊」，不是不是，應該是很「大碟」才對。焗鮮茄雞扒飯份量真的很大很多，雖然焗鮮茄雞扒飯連一杯凍檸水價錢要$64，但「陶記」的鑊仔焗鮮茄雞扒飯，就算兩個人分享也綽綽有餘。焗鮮茄雞扒飯上面鋪滿很多，很濃厚的芝士，用匙羹刮起芝士，芝士足足可以拉起七、八吋長。連蕃茄的份量亦是出乎意料地多，鑊底有大量炒飯，雞扒亦有好幾塊，而且很有口感。這個鑊仔焗鮮茄雞扒飯，我吃完真的感覺很飽很滿足。唯一可以解釋這個現象，就是此店為了吸引食客，不計成本地煮菜，這種情況未必能維持下去。可能要再試「陶記」多一次，才能決定以後值不值得再幫襯……
continue reading
入西貢唔一定要食貴價海鮮餐，平民價坐得舒服，食得新鮮也很重要，已經是第二次幫襯，這次值得一讚是好明顯沒下太多味噌，不知是否老闆細心見有小朋友，叫了肉鬆炒西蘭花，菜食得出是先烚後炒，給小朋友食也安心，鮮魷保持水準，肥牛煲都不錯
continue reading