Holly Brown Coffee Roasters

Open Now

Now Closed

🔸燒豬肋骨配薯條  BBQ Pork RiBs & Fries  $198用個熟鐵盤上菜，燒豬肋骨熱辣辣，下面堆咗一堆薯角 ，配咗一兜燒汁醬，豬肋骨較瘦但肋肉都好軟糯。燒豬肋骨係配咗啲 紅酒醬汁，望落嚟似茄醬，但係食落係有淡淡紅酒味同鹹鹹地 似燒汁，鋪底嗰啲薯角就十分好味，應該係用咗啲有味嘅蛋醬嚟炸，炸得好香又咸咸哋，好好味。味道：8/10性價比：7/10🔸慢煮紅酒汁牛臉頰扁意粉 Beef Cheek Linguini $198 呢間餐廳做嘅扁意粉做得幾靚，意粉烚得啱啱好，仍然係有嚼口嘅，牛肉就大大嚿有3枚，碩大飽滿，鮮甜牛肉味醇厚溫潤。另加 $40 可食這裡出名的炒雪榚 gelato ，好特別，但我今日無食雪榚，下次要再嚟試吓。味道：7/10性價比：7/10🔸霹靂雞薄餅 chicken piri piri  pizza $148薄餅就係一個薄批，焗得好香口，唔好以為係辣嘅，除咗啲紅辣椒粒，如果唔食啲紅辣椒，就一啲都唔辣。 薄餅上面除咗有芝士仲有一層好似雞油咁嘅醬料，食落都幾好味，有啲雞油香味。味道：7/10性價比：7/10▪️🔹環境：就在荔枝角一個商場地下，當街大舖，環境闊偌，係正宗西

連續兩星期黎食晏晝，兩次都態度極其惡劣，兩大一小嗌咗兩個午餐同個男侍應講仲差杯凍咖啡一句得埋黎叫我等一等以為佢好忙啦點知走去褪返一張空枱張凳都唔幫我跟都算啦，然後再同另一個白衫疑似係經理嘅講你走埋嚟睇吓係咪真係杯凍咖啡可能因為我嗌咗凍咖啡同一杯可樂去見到杯可樂，以為係凍啡呢啲都算啦跟住埋單走人，幫BB上孭帶果個侍應又走埋嚟攝喺我老婆張凳中間就要搬走張BB凳都唔明白嗰少少時間點解要咁做？一陣間撞到小朋友又點計呢？埋單未走個場得嗰幾張枱有人其餘講緊七八成都係空枱行行企企冇嘢做有冇咁趕住收晒啲嘢？要攝嚟攝去咁樣嚟去汁野？等客人走左先汁又有問題？服務態度奇差地下仲要黐立立真係要思考吓，而家係咪真係要貼錢買難受？

啲薯條同炸雞好似完全冇滰過油咁每一啖都係油，薯條又唔脆連最基本都炸唔到脆身真係好失望，然後隻雞入邊仲係濕又乾完全唔知點解呢間餐廳仲可以生存到所有食物都好似垃圾般嘅味道另外餐廳明明係有機可以收卡，但係每一次都會問客人有冇現金，我覺得如果你係有信用卡機咁就唔好問客人收現金去避開信用卡機嘅服務費。午餐要半個鐘以上先食到私家已經唔係好充裕，仲要係如此難食，成都嘢都係超級油膩，其實我覺得炸完嘢起碼朔一朔乾啲油先俾客人都好正常，但係完全冇唔知食咗啲乜嘢

年三十晚同男朋友屋企都無飯食，所以行年宵市集之前喺附近搵咗間餐廳。當晚人流唔算多，但係有駐唱歌手吸引咗我入去。我哋點咗一個大蝦帶子牛扒set加一個意粉，set有包飲品同甜品。牛扒正常質感，大蝦都算爽唔係雪藏味。帶子意粉都係正正常常，忌廉汁味道唔會太濃。當晚dinner set嘅甜品係柚子Cheesecake，味道OK但就好似喺冰格拎出嚟咁硬掘掘。另外唔知當晚侍應應該係新嚟，落單時問咗牛扒係幾多安士，佢窒一窒咗之後再去問，不過態度都算良好。全晚最欣賞嘅係駐唱嘅兩位歌手，唱得好好聽！

放假星期日途經D2 place諗住食餐晚飯，晚上6時入座。入座時舖面唔算多人，本身已經唔算趕時間，諗住遊閒下食個飯，但我由6點05分落單要等到6點55分先有得食，期間仲要叫左兩次侍應跟單先到野食，食物黎到後賣相唔算好，都心知不妙，份量唔多，好彩我唔係大食既人，不過佢地既晚餐性價比真係極低，200蚊有餐湯飲品及甜品，咁既質素收200蚊完全唔抵，出面會有好多選擇。只會講句唔會再黎！如果你趕時間既就可以skip。

黑椒汁西冷牛扒意大利原本成碟野唔伏架😩，一上枱係牛扒同意粉好似浸完油之後再上枱比我客，真係有啲接受唔到⋯個兜意粉食咗少少已經放棄🫠朋友點了漢堡包薯條，正常唔係伏但薯條係淋哂唔脆

喺D2樓上返工, 好日都唔會去呢度食, 今日有friend 喺附近約我去呢度食lunch. 叫咗個炸雞沙律set lunch, 個鬈毛waiter 比咗碟（烤雞）沙律上枱, 仲話: 唔好意思, 炸雞賣晒, 轉咗烤雞! 講完想調頭走嗰刻, 我就同佢講: “冇炸雞 咁你係咪應該知會我一聲先出餐呢? “ 佢諗住兜, 話: “臨時轉嘅, 當我行過去攞餐時廚房先同我講冇炸雞”(個樣仲要好串咁) 連我個friend都忍唔住仰起頭望住佢, 我話呢個唔係理由囉~ 佢就問: “咁烤雞係咪唔啱食? 要唔要轉第二樣野? “ 最後我冇轉 照食, 怕又要等 😓 呢個鬈毛waiter 超冇禮貌唔係第一次, 我尋日記錯日期 以為約左我個friend 係尋日, 所以我lunch time 去到餐廳門口, 呢個鬈毛waiter 企咗喺餐廳入口, 我就同佢講: lunch book咗枱 兩位嘅, 唔該. 佢答我: 咁~ 你係咪應該要提供返D資料呢? (嘩! 串到 😡😡) 佢應該見我面色一沉, 就話: “我幫你睇睇~ 系統顯示係聽日喎, 改咗今日?” 我仲同佢講咗聲唔好意思 我搞錯咗~ 就離開其實野食都唔係特別好食, 唔值

成間餐廳得兩個侍應，冇人服務，周圍都係枱叫啲客喺出邊等好耐。 之後仲同啲客講好多人，所以要等30分鐘，但其實大部份客已經上晒碟，因為個當時已經兩點！真係趕客！ 有個客見好多枱自己行咗入去坐，之後個餐廳經理仲同佢講話出邊有個牌啊，你哋要企喺出邊等，極冇禮貌！

新年想食餐好嘅，但又唔多餐廳開，於是行行下就發現到呢一間餐廳！環境舒服，燈光微暗，同時場內播著輕鬆嘅Jazz music，整餐廳嘅感覺好有格調💕💕烤雞胸芝士漢堡包配高麗菜及薯條🍔🍟芝士味濃郁，但雞胸稍為有少少嚡，高麗菜鮮甜新鮮，而整體上味道都不錯👍🏼薯條香脆和熱辣辣，這個價錢相當值。大蝦意大利粉🌶️意粉軟硬適中，但稍為有少少辣，大蝦彈牙爽口，整體來說辣得幾惹味，就算本人不喜歡食辣，也覺得不錯！❤️❤️

D野食幾唔錯👍🏻價錢百零二百蚊一個人島，位置幾方便同好食😋最開心係果度現場有樂手同歌手表演，好似話日日都有，音響都幾正幾Chill!另外仲食左個窩夫雪糕，大約一百蚊島，雖然價錢唔算平，但係幾好食既，會再encore！

近日，造訪過位於荔枝角 D2 Plaza 地下嘅 Holly Brown. 這間食店以炒雪糕為聞名，而所提供嘅雪糕係Gereto -- 義大利式雪糕. 該店最近以全新的面貌重新開業，發現多了新款菜式和主打炒雪糕外，還有重開業優惠 ⭐️ 於星期一至日20:30 或之後入座，單點食物/甜品/飲品均可享半價優惠 ⭐️ 不容錯過。不可不提的是 Holly Brown 大力推動本地音樂文化，這個月邀請了多位本地音樂人到該處演出 (Refer to Pic.9)，讓客人享用美饌之餘 ，還能欣賞到耳熟能詳嘅 Local Live music 。-‐------------------------------‐------------------------------Pic. 1 野莓家族 - 野莓、 士多啤梨、 藍莓 、紅桑子 Berry Overload Set - Wild berry, strawberry, blueberry, raspberryPic. 2 狂戀莓莓 - 牛奶、 士多啤梨、 藍莓、 紅桑子 Crazy Berry Set - Milk, strawberry, b

今晚同朋友黎到holly brown呢度食晚餐。估唔到呢到一路食飯一路有live music聽 正🤘 而家香港唔多有live music既餐廳，好彩holly brown呢度有得聽歌！食物質素方面幾好，我地今晚分別叫左一個burger 同 牛扒set，味道冇令人失望👍食完主菜後，到甜品時間，好多味道既炒雪糕選擇，最後我就選左薄荷朱古力炒雪糕。甜品既炒雪糕出色整體感覺幾好，有live music聽有氣氛，值得下次再黎食過👍

朋友就快生日，因為朋友最喜歡食雪糕，知道Holly Brown Coffee Roasters招牌是炒雪糕系列。那就之前預訂枱，同朋友今晚一齊去品嚐。 餐廳位於荔枝角D2 place二期，餐廳環境開揚，舒適，彼有空間感。餐廳還有安排本地歌手做Live Music，支持本地音樂人，今晚咁啱就有機會睇到表演。😋是日選擇：2 Dinner Set🔸餐湯🔸主菜🔸飲品🔸甜品1️⃣餐湯🍽香濃，酸酸地，令人開胃。2️⃣燒春雞及燒豬肋骨拼盤 🍽燒春雞外皮好脆，部位是雞脾，肉質尚滑。豬肋骨入味，肉質可以，容易入口，表面的醬汁酸酸甜甜好惹味。還有蔬菜、薯條做配菜，份量剛剛好。 2️⃣香煎盲曹魚柳🍽啖啖魚香味，香煎後，令外層食落更惹味。3️⃣黑白配🍽內裡有朱古力，朱古力醬，朱古力碎，Oero，濃濃朱古力，口感豐富。4️⃣咖啡魅力🍽內裡有咖啡，花生醬，杏仁，Oero，份量十足，炒後咖啡味不算太濃，窩夫餅脆脆。5️⃣蘋果汁、橙汁🍽濃郁水果味，食完嘢飲仲可以解膩。

第一次光顧係十月中左右，服務態度良好，过咗20:30後全部餐半價優惠，第二次光顧係十一月中左右，服務態度仍然良好，不过並沒有上一次优惠；交通方便，用餐有时间限制

Nicola’s delight the bottom of bread 外觀設計精緻,好夢幻, crazy shakes monkey business design朱古力味濃, 連杯邊上的可可也能挑出來吃, 好吃又好喝