一品紅 (Closed)

一班奇門遁甲師兄師妹話好耐無見，想聚一聚，師姐啱啱搬入元朗，提意去新居旁邊一品紅試吓，於是一伙人就入咗元朗.點咗一隻薑蔥霸皇雞，牛仔骨，炒通菜.其實..... 嚟一品紅最主要原因，係師姐話每次經過哩間餐廳，都被海鮮吸引，所以想嚟食海鮮，所以點咗燒蠔同粉絲蒸聖子.每款菜都合格滿意，牛仔骨無話煮得過火肉質鮮嫩 juicy, 燒蠔size夠大隻，肉質嫩滑，而聖子新鮮鮮甜，收貨.最難忘係薑蔥霸皇雞，無改錯名，成隻雞份量超大，上枱極有霸氣！雞肉亦嫩滑juicy,讚！去D有香港風味嘅大排檔，當然要取出代價啦！好熱！只差哩一點就完美！等到入冬再嚟食過！

呢間大排檔都幾好食，幾夠鑊氣，如果你早少少通知老闆，可以叫佢買定啲海鮮，佢個蒸鱔有啲料到，另外可以試下佢個炸乳鴿，呢個好好味，但夜去會無貨。最後推介，如果你食得辣，必試飛天炒面，好鬼正㗎。

坐在大牌檔 大口大口喝著啤酒 訴說著生活中的不快 是我䆁放壓力的一種方法-這次來到了一品紅 一解整週累積下來的鬰悶這次點了剝椒蝦烏冬底 蝦醬通菜牛 椒鹽鮮魷 豉汁蒸白鱔 豉椒炒蜆忘了記下價錢 但人均消費大概是$150 - 200-剝椒蝦烏冬底這個有別於一般蒸蝦 用金菇和烏冬取代一貫做法的粉絲 醬汁酸酸甜甜 再配上辣椒和蝦帶來咸咸辣辣的味道 實在是沖擊味覺而烏冬和金菇恰巧地吸收了蝦的鮮味和濃濃的醬汁 令人吃不停口-蝦醬通菜牛這是另一碟我很喜愛的菜 蝦醬與通菜 牛肉配搭十分好 但蝦醬的味道又不會濃得奪走牛肉和通菜本身的味道-椒鹽鮮魷這是每次到大牌檔必點的菜式 最好吃的下酒小菜✌🏼️ 這裡的椒鹽鮮魷 炸粉不會太厚 椒鹽份量亦剛剛好 不會太重-豉汁蒸白鱔豉汁和白鱔可謂是天生的拍檔 濃濃的醬汁亦是很好下飯的 不過這次的醬汁略嫌杰身了一點 但味道還是很好的-豉椒炒蜆要數另一道必點的菜式 絕對是豉椒炒蜆 蜆的份量十分多 但不得不提的是青椒和洋蔥的份量也是很足的 並沒有偷工減料-Instagram: chloeelovestoeat喜歡的可到Instagram 看看

之前其實都黎過呢間野幾次，好食當然會一再幫襯啦，但一直唔發覺原來佢仲有樣野係好好味架！尋晚同幾個朋友黎叫左個“胡椒豬肚雞煲”，一碟肥牛，牛丸，潮州蝦餃，再加個蝦醬啫啫通菜！豬肚雞煲個湯好夠味，d豬肚又爽口，可惜d雞都係唔夠滑！潮州蝦餃同肥牛及啫啫通菜都好正，但成晚我最愛係d牛丸，真係超超超級好味爽口又彈牙，咬落有陣陣好香既牛味仲有少少油滲出黎，真係超正我未試過咁好味既牛丸！仲有樣野，呢度個老細好幽默攪笑！

尋日同家人去元朗打算食「傷心酸辣粉」, 不過太貴就冇食... 咁岩有親戚係呢度食緊飯, 所以就去試試啦! 叫左幾樣小菜, 樣樣都好大碟, 見到個陣直頭左... 1. 四川辣蝦  ($90以上)    幾好食, 不過份量少。加左一倍辣椒, 好惹味, 不過再辣d就好。2. 時菜一碟 ($40)    菜心咬落唔好會硬, 而且好甜, 不過太油喇, 好似食油多過食菜...3. 野生生魚2食 ($200以上)     - 湯: 好鮮甜, 好香魚味。(平時唔中意飲魚湯, 尋日都飲左好多碗)    - 炒魚肉: 呢個見到個份量個個都晒!!! 因為好大碟, 3個人食都覺得多。味道唔錯, 魚肉本身醃好, 可能炒時又落左鹽, 所以咸左少少, 不過好入味。~ 生魚真係超大條, 如果3個人叫左呢個「2食」, 可以唔洗叫其他小菜~4. 水煮牛肉 ($90)     好多配料, 有腐竹, 芽菜等等。大碟又聞到好香麻辣味, 不過食落竟然唔覺有幾麻辣... 有d失望。5. 通菜炒牛肉 ($68)整體都唔差, 好難得見到大排檔d小菜咁大碟。平時叫5個小菜唔夠食, 點知今次份量多到食唔晒, 叫多3個人黎食都得。環境比較差

今日一大班同事一齊黎呢到食，估唔到都幾好食，叫左個鼓油皇大蝦，蝦好彈牙，沙拉骨，好食唔難咬，椒鹽大隻既瀨尿蝦，正呀，夠味又彈牙，蒸蚌仔，就略為好難咬，還有同事叫的口水雞，我比不到意見，因為我對凍又辣既雞真係麻麻地，不過整體成餐食得開心，哈哈，我會再黎呀!

食家這年來每星期四均要在元朗地盤下班，形成了一星期一日元朗搵食的習慣。統計搵食次數，來得最多的食店要數這間「一品紅」﹗差不多隔個星期便來這兒吃其出品辣子雞，甚至已迷上。份量多，花椒下得重手，通常兩件入口已感到唇頭發赤，麻勁十足，配上籃妹啤酒，天下我有﹗除這兒的川菜好吃外，蒸海鮮的火喉亦恰到好處。蒜蓉粉絲蒸象拔蚌，即叫即劏，肉質彈牙，鮮甜，一試難忘。蒸扇貝用上我在街市也要買$15隻的大元貝，原隻放入口，啖啖肉，那份海鮮的鮮甜味，極美妙。想吃蟹的亦可試試這兒出品的香辣蟹，肉蟹斤多一隻，多肉，炒得不乾身，辣椒惹味非常，刺激之選。冬風螺最好向待應哥哥姐姐問問來貨，有時會比較細隻，可以另選。特別推介一味我只在這兒吃到的椒鹽金菇，金菇拆起一條條再加炸粉椒鹽同炒，吃落脆卜卜的香口有如銀魚，極惹味，是佐酒恩物。這兒雖是街邊大排檔，但男男女女待應們均相當醒神，工作態度積極話頭醒尾，抵讚﹗由於這年來吃了十數遍，與老闆已熟絡，見我地多咀常走過來請飲啤酒又乾杯，搞到不勝酒力的我次次清醒來醉住走，咁鬼好客，抵佢晚晚高朋滿座﹗

見樓下咁多好評, 滿心期待去試下, 諗住係正宗川菜啦, 點知原來係偽正宗....呢間只係一般的大排檔點解咁講呢?當晚試了:1. 水煮魚 $138--> 除了死辣, 還是死辣, 一d 香味都冇, 用的花椒不是四川的, 所以吃下魚時一點麻辣的感覺也沒有(四川來的是很香, 吃落口會有麻痺的感覺, 一吃便知)2. 辣子雞 $60--> 呢個好好好咸, 佢竟然用左豆板醬去奄.......!?!!! 不是吧........!! 沒有辣子雞應有的麻辣, 只有咸! 3. 炒菜心 $32--> 好多油, 好有獲氣, 即係一般大排檔的貨色4. 一個白飯, 一罐可快樂 & 黃老吉, 埋單要$260幾, 佢呢3樣菜牌冇寫的真係可以任佢噏! 口味是很個人的, 呢間唔會有下次, 一來是價格, 二來是它真的不好吃, 三是元朗也有比它好吃的川菜.......

呢一間大排檔我發誓一世都不會去囉！環境評分：1分（5分為滿）我們到達8時左右，已經要坐到很遠的橋底位置，我們一路食，d路人就響度望，有d路人仲會擦過我地張枱行出馬路，可想而知我地坐既環境幾惡劣。服務評分：1分（5分為滿）果日我地經過元朗，諗定上open rice search下元朗有乜好野食啦！邊我地搵到呢間『一品紅』，我地8:05左右去到，已經好多人，我地要坐到老遠的橋底，我地已即刻order著名的雞煲、水煮豬頸肉同川北涼粉，等左大約7分鐘左右，川北涼粉就已經送到來，味道ok，o岩我地口味！我地仲好開心又好期待佢地聞名的雞煲，以為應該不會令我地失望，但之後一直就響度等，亦聽到隔離幾枱d人都話d野食好耐都未離，等到8:45左右，隔離枱就叫伙計埋黎，投訴d野好耐未黎，個伙計就話幫佢催下，我見隔離枱仲遲黎過我地都催，我地咪又叫個伙計幫我地催埋囉！結果9點左右我地個水煮豬頸肉先黎，到9:0x左右隔離個雞煲竟然到左囉！我地黎先叫先都未有，我地即刻叫個伙計理論，佢又跑去話問下先喎！點先回來答我地是搞亂了單，宜家即刻幫我地煮，我地初頭都算啦！想食咪諗定等下囉！等到9:30左右，都仲未黎，我地特登再

在元朗常常都會吃雞煲或川菜，較常去都會是八面棧。在朗屏天橋底亦有一間川菜店名叫一品紅，每次回家經過都看見很多客人，每檯都有大小雞煲，也真想試試味道及質素如何。某夜跟朋友來到附近，不想走太遠，加上天氣寒冷，吃辣的最好不過，便決定來到一品紅吃晚飯。先來一碟辣椒皮蛋，皮蛋晶瑩剔透，口感軟滑，吃下蛋黃帶微微溏心，非常誘人。帶微辣，但味道不太像皮蛋，細問侍應下，她說這些不是真皮蛋，而是雞蛋，難怪毫無皮蛋味。然後是主角來了，雞煲，選了中辣，熱燙燙的雞煲，浸滿紅湯，跟八面棧的雞煲不同，這裡的雞肉本身不算醃十分入味，八面棧的雞肉較為好吃。但這裡的調味配料還算香，吃下不算十分的辣，假若再選大辣，辣一點便更為刺激。但對於不吃太辣的朋友來說，這種辣度恰好。雞肉入口嫩滑，略帶點脂肪，寒冬下吃點辣，整個人也暖起來。除了辣雞味，還點了多一款辣的菜式，水煮肥牛肉，選了中辣，份量比預料的多，色澤鮮紅的辣紅油，帶點麻辣，十分惹味。肥牛帶點韌口，牛肉味不太重，下次還是選水煮魚會比較好，入口魚肉嫩滑點，而配料有不少的芽菜、蘿蔔、綠帶等，同樣入味好吃。栗子炆排骨，冬天最適合吃栗子，栗子香甜粉腍，個人十分愛吃。吃著栗子同時，從

話說呢期成日去元朗開餐，我估來得最多的，便是這間一品紅﹗雖然隱身於屋村內，真的估不到入夜這兒數間食店全街擺滿枱凳，旺過旺角﹗來過三至四次，有幾味餸值得推介亦次次有幫襯:香辣蜆: 大量乾紅椒、花椒來炒，香辣並重，細嚼更有麻香，唔錯﹗辣子雞: 雞粒多，夠辣惹味，是佐酒良物，一碟可送兩支啤酒﹗口水雞: 汁調得香濃，雞雖雪藏但肉嫩香滑拍青瓜: 從小便很愛吃拍青瓜，但在香港要找到好吃又入味的很難，這兒的算是出眾﹗其他食物也不錯，最重要價錢唔貴，啤酒又唔貴，一大班人食下野傾下計開懷暢飲是樂事﹗

好喜歡食川菜 , 我同我老婆都系好食得 辣的人在網上看見網友的評分不錯 , 而元朗又近晚上 八點多去到 .. 非常方便的是 在樓上有停車場 , 不錯呢雖然在路邊 , 天氣不是很熱的日子還可以看見其他人台面的荼 , 可能廚房不夠穩定 , 抄出來的菜 , 未必次次都有一定水準但整體 是 不錯的 餐廳

呢晚同男友仔 再 約左 2 個朋友仔黎試下次次路過都見到坐滿既 "一品紅"!!打開餐牌....哇!! 有 9 成既餸都係辣呀, 辣呀, 辣呀, 辣呀同辣呀~既然係咁, 就一於全辣宴啦!!!水煮魚 (半條) - 小辣口水雞 (半隻)四川涼粉川椒皮蛋干扁四季豆干鍋肥腸上枱碟頭相當....大!!!水煮魚 (半條) - 好麻好麻...魚骨比較多, 鍋入面仲有海帶, 魔竽條, 牙菜...etc口水雞 (半隻) - 好滑好滑...雞肉滑滑的, 夠入味!四川涼粉 - 又粗又滑好好食!川椒皮蛋 - 辣度剛剛好, 皮蛋香口!干扁四季豆 - 有 D 失望, 有豆邊耶...要邊食邊吐!干鍋肥腸 - 肥腸真係好肥美, 勁入味....可惜過咸嚕!!同場加料:森寶啤 x2 - 介紹話係藍妹個 fd!? 飲唔出....哈哈哈~白飯 x2 - 大碗到....呆左!!小菜夠份量, 而且味道大致不錯!!支持

昨天同朋友及佢屋企人一齊食晚飯,佢地話呢度d嘢好味,所以就嚟左呢度食飯啦,這條街都好多嘢食的呀.坐正係橋底,係正電視隔離真係好好.我地有7個人,叫左一個水煮魚,一個酸菜魚,還有炒通菜,雞腳,飲品.酸菜魚係一盆的,熱辣辣的,不過d魚唔夠滑,但酸酸辣辣都好開胃,入面仲有好多蒟蒻的,還有酸菜,芽菜,海帶,半條魚,芫茜等,其實都辣辣地的,不過則唔係勁辣果種辣.水煮魚又係用盆上的,這個魚滑身好多,好辣不過好刺激好好味的,勁多辣椒粒,好多芽菜,還有海帶,成盆都係油,不過好味過酸菜魚好多.雞腳六大隻,好入味,唔肥但好香沙薑味干扁四季豆這個都好香口好味,不過又係好辣的菜式通菜這個都好好味,雖然係幼身的,但係都好香,唔算好肥食下食下有個男人,我估係老細走埋嚟我地就話俾佢聽個酸菜魚好鞋,佢話可以幫我地攞個爐嚟再加d湯煮下佢,跟住就當打邊爐咁,我地就另外叫左個生菜加入去食,佢話d湯都可以飲埋,我都飲左一碗,酸酸辣辣咁好醒胃呀.價錢都幾抵食呀!!

入元朗探朋友兼掃食，晚飯大家就去滿載街頭風味的一品紅吃川菜，實行辣個夠，之後再去食甜品，想起也是滿足。雖然很多食友(尤其是女仕)都係斯文人，不過在這種地方用餐，亦無需要太講究禮儀，點菜也不是慢慢的去看去叫，總之喜歡吃什麼，辣的不辣的，馬上大大聲說出來便可。涼菜只選了一款，是地膽的推介辣椒皮蛋。色澤晶瑩剔透的，又有少許溏心，本身已經會好吃，再配上調校得宜的辣汁，清爽又好吃，是十分好的開始。其他菜色陸續送上，我也不分次序去介紹。窩筍炒腊肉，用的並不是四川腊肉，只是我們平常吃到的港式腊肉，不過質感不硬，味帶咸香，配上爽口清甜的窩筍片，又幾匹配。為照顧不能吃太辣的朋友，再來一味唔辣的芋頭炆排骨。排骨總算夠入味，但個人更鍾意的是芋頭。呢度既芋頭質感夠粉，份量亦很多，吃得相當滿足。再來是食川菜離不開的水煮魚。估不到會是這樣大兜，送上來時大家都嘩嘩聲。魚片真的很多，但是件件都咁嫩滑，充滿麻香，都幾好。下面浸著不少的芽菜及雞脾菇等材料，索晒味，同樣不要浪費。一兜還未夠，仲要來多煲川辣雞煲，同樣的大兜，大家看到眼都定，唯有繼續努力。像打邊爐般用熱著，更辣更燙，更為惹味，而且雞肉都尚算嫩滑，食得很滋味。也