泰興泰國小食

Open Now

Now Closed

今晚來到這家泰國菜試試，開場先來杯清新的青檸水，解解渴💦。首波登場的青木瓜沙律真是醒胃開胃，脆爽木瓜絲攪拌著辣得啱啱好的醬汁，根本停唔到口！接著生蝦上桌，鮮嫩得滑唔溜丟🦐，沾上味道超級濃郁嘅泰式醬汁，一啖之後整個味蕾都活過嚟。豬頸肉外層燒得香噴噴，一嘗便知此乃佳肴😋。配上沙爹醬，真係軟嫩多汁，味道正到不得了。馬拉盞通菜亦吸引到我，炒得又夠味又唔會太過失水，完美地平衡咗馬拉盞嘅咸香。最後奔向青咖哩雞，辣香撲鼻，啲茄子完美吸收咗咖哩汁，全程都夠味！蒜蓉包雖然蒜香略顯不足，但抹上厚厚嘅咖哩汁黎吃，照樣爽口得黎。串燒呢，豬肉串絕對偷咗場，肥瘦相間嘅口感加上炭香，無肉不歡🍢！就系噉，無論係食得開心定食得辛辣，呢度總會有款係你心水。下次再約埋班朋友！

環境就一般啦，但同埋佬就勝在夠風味！吹水一流！先黎燒大蝦，係咪睇樣都無得輸，仲要燒到勁香口，蒜味勁夠！泰式春卷，豬頸肉又係交足功課！好足料，材料新鮮！到我最愛既串燒！好入味！食唔停！帶子未食過咁特別，用泰式醬去燒真係必定要試，好好食！

想食泰國野，就去到觀塘街市。叫左份生蝦，今晚最好味！蝦醬通菜，唔夠蝦醬，只是蒜炒通菜而已。乾炒粉絲，份量剛好兩個人各一碗，炒得太乾了，待改善。龍眼冰，天氣熱，有杯冰凍甜飲品，爽！椰子冰，唔夠椰汁，唔夠香，太稀了...總括而言，在現今通賬的社會，這裡的食物價錢尚算便宜，合理，唯食物水準有待提升。

這陣子真的很瘋狂，吃了3次泰國菜不過每次的感覺都不一樣，而這次的感覺像在泰國路邊用餐一樣免費的青檸冰雖然味道一般，但挺解辣冬蔭公酸辣度剛好，只是缺了點椰香這一大碗才HKD$40耶，超划算的啊材料就有菇類跟少量的蝦子串燒 ﹝豬、牛、雞各2串﹞烤得不錯，肉很嫩富肉汁不過笨笨的我，不太懂分辨，只知道不錯吃那個沾的醬很香，還有不少的花生顆粒在裡頭蠔餅蛋我妹的最愛，每次都必點的蠔的Size偏少，但蠔身飽滿鮮甜喜歡這道菜用鐵板上，香氣十足的底下有大量爽甜的芽菜，唯一不好的就是胡椒粉下得太集中啦，都只在中間後來見到現製的蒜蓉包，又再追加一份烤得香香脆脆，帶濃郁的蒜香好正喔，好想現在來一份，邊打文邊吃XD隨隨便便點都已經整桌的菜，這個午餐也太豐富了吧吃得很撐連晚餐都吃不下，重點是只需HKD$141，也太划算了啦

2點左右黎到 都吾洗等位 一黎就一人送一杯飲品之後我地叫佐炒飯，金邊粉，同小菜d炒飯炒起夠乾身！ 好味！不個金邊粉就吾夠味，要落d調味就好食的 Overall 夠平，夠好食，但地點遠佐小小

前排去開觀塘, 不想吃APM的集團食店, 有朋友推薦這家店, 於是來了瑞和街市政大廈. 周日下午, 市政大廈內的食店水靜河飛, 這間泰興也不例外, 只有另一枱食客., 遲疑了一下之後, 不過最後還是決定坐下試試.這裡沒有冷氣, 不過還有風扇, 不算太熱. 餐牌全都掛在牆上, 一目了然. 一坐下來店員已經問我們喝甚麼, 青檸水和龍眼水都要了. 這兩個飲品都是都是免費的, 龍眼水偏甜, 味道有點假; 青檸水的青檸很少, 味道很淡, 不大喜歡.由於我們不太餓, 所以只點了豬頸肉炒飯和豬頸肉濕炒河. 老媽怕熱氣, 所以點了豬頸肉濕炒河. 蔬菜雖然多, 但胡椒粉下得太多, 辣味較重; 濕炒河的茨汁太多, 好像湯浸河, 而且河粉一舊舊的黏在一起, 口感不佳. 老媽說早知點炒粉好過...豬頸肉炒飯, 算是比較正常的賣相, 材料只有些少豬頸肉和雜菜, 入口很乾身, 但可惜沒鑊氣又沒甚味道的炒飯, 水準以下.有食家說這家店的菜比九龍城的泰國店做得更地道更好吃, 這點我絕不苟同! 食物價錢不算便宜; 食物質素又是水準以下; 店員招呼又是愛理不理, 只顧自己談話; 上菜真的很慢, 點兩碟炒飯炒粉要廿多分鐘

吸引我去試的原因係早前某份報章介紹, 吸引一家人去試試!可惜.....超級失望報章刊登之價錢同菜館餐牌價錢基本上9 成都唔同, 但份報章刊登日期只係27/1/2012,環境: 街市FEEL 得好緊要, 唔知係咪啱啱洗完地, 地下超濕~上菜速度慢講講最重要嘅食物質素如何青檸水同龍眼水任飲青檸水: 酸酸甜甜肉碎生菜包: 味道 OK, 但生菜碎濕濕海南雞飯: OK, 值得一試馬拉盏炒雜菜: 細碟, 無特別咸魚炒戒蘭: 味道可以, 但好難先搵倒一粒咸魚明爐烏頭: 無特別青咖哩牛: 唔辣, 淨係得個色串燒: 唔夠熱青木瓜沙律: 得個辣字, 仲切到好粗絲添!炭燒豬頸肉: 份量少, 仲要唔夠熱蝦膠釀皮蛋: OK, 值得一試雞肉炒泰式金邊粉: 味道OK, 但得幾條雞絲鴨肉湯河粉: 鴨皮多過鴨肉, 仲話招牌菜...

是日乃小弟生辰, 朋友們都忙, 還特意來的我附近食飯. 觀塘實在沒什麼選擇. 我選了這間泰興泰, 因為價錢平, 味道又不錯, 又不是什麼連鎖店.我們3人坐在近走廊的那張長台, 凳下是坑渠, 台旁邊有一幅牆掛著泰興泰的招牌燈箱, 而箱後看到一班小強家族爬上爬落爬來爬去, 還爬到我們的台邊. 但也一於小理 (因為到埋單那時才看到一隻在我身前面). 3人叫了很多食物, 竟然沒有生蝦! 老闆娘介紹我們食生菜豬肉包. 另外要了炸蝦餅, 炒金邊粉, 咖哩炒蜆.炸蝦餅依舊好食, 只是今次炸過火了. 入面依然彈彈彈!咖哩炒蜆比較細隻, 不過都好爽, 咖哩汁似小曼谷, 香香甜甜, 不辣.炒金邊粉都ok, 唔會炒完都一舊舊.生菜豬頸肉包有驚喜! 豬頸肉是烤過的, 醬汁帶點辣, 很惹味! 配上清清的生菜, 食起上黎就可以減去豬肉碎的濃味.這店食了兩次也覺得又平又好食, 只是坐店內的台會較好.

跟朋友約了晚餐, 突然想吃泰國菜, 朋友推薦這家店, 說便宜又地道. 之前她跟我說這邊沒冷氣的但其實還好, 這邊有很多風扇, 唯獨油煙味比較大. 店員叫我們隨便坐, 找了一個角落坐下青檸水, 龍眼水這邊的青檸水跟龍眼水都是免費的, 個人比較喜歡青檸的, 龍眼對我來說有點太甜店員到之後都很忙, 我們也直接自己出去倒, 要加冰塊, 本身的飲料不太夠冰青木瓜沙律每次吃泰菜都愛點這個, 這裡的青木瓜沙律蠻大碟的只要$20青木瓜的獨特質感爽脆之餘帶點軟, 一絲絲的搭配醬汁很清爽. 還有四季豆, 蘿蔔, 番茄跟花生, 每樣都附著醬汁都蠻不錯吃它的醬汁下了不少蒜泥, 吃起來蒜味比較重. 辣度對我來講非常恰到好處, 是我覺得剛好的辣度朋友覺得太辣, 所以這碟幾乎都我一個人在吃生蝦刺身一碟有十隻, 蝦肉彈牙, 用上了新鮮蝦去做的. 每隻蝦都不會太小隻, 有蠻多蝦肉可以吃生吃的蝦肉彈牙之餘還會多了一份黏黏的質感這邊點蝦的醬汁十分惹味! 魚露跟青檸的香氣很突出, 而且也是下了不少蒜, 很香辣度也沒有遷就食客, 都蠻辣的, 朋友點過一次之後都不敢再多點了燒豬頸肉本想叫蝦餅但賣完了, 叫了這個一碟豬頸肉有十多塊

街市樓上的店舖,通常比市面上的店子來得簡陋同不潔,途經買餸,例不如上樓試試,删除地面整潔度,坐下來侍應已第上一杯我相信是'咸梳打'的飲品,味道是可以的,但一心來尋食,飲下一口便放下,散叫了一碗鸭湯檬粉,味道剛好,但不至於另我有回憶,$20.大元,今時今日...你還會有更多要求!!

同男友係觀塘食野,揀左黎呢間試下…睇食評見到D評價幾好。上到去，可能因為七點幾，仲算早，唔駛等位，即係就有得坐低點菜食野。一坐低，已經有人問我地想飲龍眼水定係青檸水，免費送既，而且可以添飲。我地揀左要兩杯龍眼水，飲落口唔會太甜，唔錯…之後我地叫左炸蝦餅，蝦醬炒飯同埋豬頸肉生菜包，首先係炸蝦餅，炸野一定要熱食先好味，所以一送到黎，即刻試左一件，新鮮炸起，熱辣辣，GOOD～蝦餅夠晒彈牙，點埋佢俾既泰式甜酸醬簡直一流，必食之後係蝦醬炒飯，炒飯上面舖左塊蛋皮，同埋三塊臘腸，炒飯炒得乾身，食得出有蝦醬味，唔錯。最後係豬頸肉生菜包，可能我本身唔係咁食得辣，D豬頸肉食落口有D酸酸地，之後有辣味，但真係太辣了，包埋生菜都頂唔順，食左幾舊之後，成碟要男朋友幫手清晒XD男友最後加單要多個白飯，同埋試左杯青檸水，男友話青檸水比龍眼水仲好味D，下次再去果陣試下先

之前聽人講話觀塘街市有間食泰國野好好味...上黎一睇, 原來街市有兩間食泰國野.最後選咗這間...去到既時候無咩人...唔洗等位...一坐底, 就問你要龍眼定青擰, 我哋三個人, 當然二樣都試吓啦...(好彩之前上黎睇到這間舖頭會用這二款飲品代茶水)我覺得龍眼水比較好味(甜), 青擰就無我想像中酸...我哋叫咗4樣野:1) 生蝦: 新鮮, 爽口.2) 濕炒米(海鮮): 這個有幾款粉同餸俾你選, 我就選米粉同海鮮, 都可以接受. 如果河粉的話, 應該會好好多.3) 串燒: 有豬, 牛, 雞選, 最少order6串, 我哋叫各2串, 即叫即燒. 每種都好好味, 好入味, 一啲都唔韌.4) 炸蝦餅: 好味...值得一試...

哩日朋友9點幾同我講仲未食飯, 於是話去街市食泰國野, 哩間好似唔錯, 仲有任飲青檸水, 就試下去到見到兩間, 一間新興, 一間泰興, 新興o個間就爆多人, 泰興o個間只有一台, o個台仲要係老闆既fd / 熟客咁上下... 上網再search 頭先係找左泰興, 所以都係去左泰興.坐下冇耐就來了兩杯青檸水, 嘩... 好酸!!!見到餐牌d 炒野咁平, 炒粉麵飯唔過$30, 先來兩個炒野, 濕炒肉片河, 蟹肉炒飯, 再加個蝦餅濕炒河, 河粉好黐, 茨汁又太多了, 好似湯浸咁...蟹肉炒飯, 哩個賣相同食落都好頹. 只有少少蟹肉絲再加d 雜菜炒, 個樣咁似我阿媽炒o個d 飯咁...一睇就覺得好dry. 一個冇味既炒飯...蝦餅就中上, 新鮮炸好燙口好脆, 蝦膠好彈呀! $2x 蚊算係咁d 炒野真係好平, 但求飽肚既真係幾抵食. 難怪冇人...把風扇好似勁過頭, 吹到頭都甩, 同埋食左成餐都冇人幫我地refill 過青檸水, 都唔知係咪任飲既...

朋友鍾意食海南雞飯,話荃灣間味皇好好味,成日都係幫襯o個間!上網見食評話呢間幾好,難得今日放早決定買俾佢試o下!去到時下晝五點幾,餐廳冇客,有位泰國靚姐o係度上緊香!我同佢講特登o黎買海南雞飯,佢聽見後好開心!好有禮貌咁叫我等o下!另一位肥姐聽到後拎個盒出o黎裝飯,我輕聲講o左句可唔可以俾多少少飯,佢盛完飯後入廚房鋪o左幾件雞上面,影相時見好似得幾件雞胸雞翼尖之類,有少少失望!我話o係網上見到人讚佢o地d海南雞飯好食,靚姐好開心!佢話佢o地d醬料好好味,好多人特登駕車o黎買!搭o左近一個鐘地鐵送盒飯俾朋友,食評係:飯夠多,夠香,好味,帶有少少椰汁味!雞唔滑,普通,頗鹹,唔駛用醬料都得!整體o黎講,普普通通,唔及味皇好!下次去可能淨係買油飯就夠喇!

泰色豬頸肉炒通菜好大碟~有鑊氣!豬頸肉好滑,通菜炒好爽口,好味!鴨肉湯河keep到水準,同我以往食既一樣,份量多足料,湯底甜甜的好好飲最後又比我同大食友人清曬香葉肉碎炒飯呢個麻麻地,炒得好濕好泣口,而且好少肉碎同辣得有點過份~個廚師放左好多chilli去炒...辣椒膏炒青口有驚喜,青口好大隻彈牙!原來辣椒膏係甜甜的,個sauce好惹味,撈飯一流!龍眼冰雖是免費但夠冰凍!無限refill~雖然係大排擋但服務好好,但d姐姐好nice!叫佢fill野飲佢會好樂意的~我會keep住泥架~