麥當勞

Open Now

Now Closed

近來麥記幾乎每個月都轉新口味雪糕，新地優惠價$7，同新地筒同價，都算幾抵，所以都會試下。今次出呢款好立克口味，我本身都幾鍾意呢隻味，雖然聽人講話好甜下，但都都試下。可能本身預左會好甜，食落覺得甜度都尚可接受，好立克味雪上好立克粉，甜膩得黎都幾能滿足甜品胃。🤤

前排天氣熱到傻🥵直頭好似夏天咁🥹經過又見到麥當勞出咗新雪糕喎😋🧊Oreo 曲奇宇治抹茶新地 $7 7/10價錢真係幾平下😂仲有埋Oreo ! 但係我嗰塊Oreo 已經唔太脆，仲淋淋地🥹花生🥜同朱古力漿嘅份量如果可以再多啲一好😆🥰但呢幾個配搭加抺茶雪糕真係幾唔錯🫶🏻抹茶雪糕就普普通通，唔太重抹茶🍵味🤣🤭重啲就好！人均消費💵： $7性格比： 9/10好食程度😋：7/10回頭指數💓：8/10

今日交通大停頓🤡塞車塞到唔耐煩，興興地晚餐食個麥記點知嚟到又要等😂 起碼等咗20分鐘今晚食咗$46特價餐 有Minions 菠蘿蝦堡，中薯條，中汽水，香蕉Oreo 麥旋風。佢比錯咗魚蝦堡😬都幾好味，雖然食落去口感有啲複雜，但係每一啖都好有滿足感。薯條依舊係凍嘅，今次嗌咗走鹽薯條，可能太忙都係俾咗有鹽嘅薯條。通常都要食咗麥旋風先，唔係就好快溶晒。今次係新味道，香蕉味都幾假，試過就算😂😂不過認真建議麥記，外賣如果要等好耐，同啲客講聲先，唔係搞到佢個又燥晒底咁👀唔係個個客都有對眼見到咁多人都要排咁耐🤡

邊度有我兒時嘅兒童年回憶呀細個成日嚟食嘢今晚附近經過再嚟晚上冇乜人有種非常之肅靜嘅感覺點做一個漢堡包同細薯條 想食少啲但係其實見到佢杯綠茶雪糕個有非常之吸引不過冇食到啦呢度幾多寬敞好多座位 坐得好舒服啱曬一班人過嚟傾計談心呀

太和村嘅麥當勞，係香港唯一一幢麥當勞係自己係一個獨立嘅地方。唔喺任何商場入面。去到麥當勞，食早餐梗係要食個薯餅啦。之前有傳聞話因為船期嘅問題而令到薯餅供應暫停。我諗如果事件屬實嘅話，我諗好多人都唔會選擇食麥當勞做早餐。好啦講返正題先。今日叫咗個豬柳蛋漢堡，薯餅加埋杯熱奶茶。首先講佢個薯餅，你喺出面唔會搵到任何一種同麥當勞相同味道嘅薯餅。佢嘅薯餅好獨特。由油得來充滿香嘅味道。再加埋熱辣辣去食佢。簡直為成個早餐帶來驚喜。至於豬柳蛋漢堡，我自己本人比較鍾意呢隻包。因為好鬆軟。芝士份量我就略嫌少咗啲。但係都唔會話太過份。最後加埋杯回魂奶茶。簡直就係一個Good morning

有天趕時間，路過這間麥當勞，就來涼爽一下順便吃個麥炸雞套餐，原來麥炸雞套餐已經沒有初初變為固定餐牌那個價錢（ $37 ），現在已經比較昂貴，要$45。餐加價了$8 ，好像質素還差了，雖然賣相和以前的賣相也差不多，但是內裏沒有那麼多肉汁。外皮還算香脆，但內裏就是比較乾，幸好還有點香辣味道，以及外面夠脆，也不至於太差。薯條亦都夠新鮮，即炸，不算等得太久，但是亦都夠香脆，加了一包搖搖粉，好像比較鞋口。疫情下座位減少，因此看來還挺舒適。不問堂食外賣，怎樣都比咗外賣袋先🤔

整天落雨濕濕, 諗住到麥記hea一下的, 誰不知看到優惠：用雲閃app買滿$30, 即減$10. 這優惠好似做了一段時間, 只是我遲察覺吧！怎可以放過這優惠呢！左思右想, 終於買了一個魚柳包, 一杯麥旋風和一蘋果批. 減了$10, 只需付$21. 比平日的下午茶餐（A十B）仲抵！蘋果批和魚柳包一如以住的好味, 熱辣辣的, 不消一刻已經食完了！而麥旋風的量就少了些, 但小朋友都已經食到舔舔利了！Mc cafe 有個下午茶餐$33, 都幾吸引的, 用了優惠更抵！如果不是今天喝了咖啡, 早就買了來吃呢！

假日的好開始今天是星期6,又到假期了,來一個早餐熱香餅配一片豬柳加薯餅加配凍檸茶最好食既大薯餅,即炸,食到粒粒薯仔,薯肉味濃,加少少鹽食一流熱香餅當然也好吃,加牛油加糖漿！豬柳就一直不明白為什麼出現在套餐內美好的一天由早餐開始凍檸檬片太薄,沒有檸檬酸香味,茶太濃,煮過火太和太和路12號太和商場1樓102號舖

有時就係咁，有得食既時候，又唔係特別想食，想食果陣，就唔係停左就係壞機。食呢杯抹茶脆皮新地，都行左幾間M記先食到。不過，今次呢杯既質素都叫符合番個期待值。整雪糕個姐姐仔都算整得唔錯，雪糕唧得夠多，個shape都唔錯，個脆皮都沾得夠多又均衡。至於味道呢，佢個脆皮同埋個雪糕既抹茶味都比想像中做得好，食落唔會過甜，係有種幾香既抹茶味。而且就算雪糕揀左雲尼拿同抹茶各半都好，抹茶味都冇俾奶味蓋過左。口感就唔洗點講，個脆皮一整好，等一等等佢凝固左之後，好難唔好食。呢個價錢，有呢個質素既脆皮抹茶雪糕，都真係算抵食。跟手食多個孖芝餐，包就正常好食，溶左既芝士、兩層牛肉、酸瓜加醬、加軟熟既包，只要係夠熱去整溶d芝士就會好食。雖然先食雪糕係好似調轉左個順序，但個孖芝都未食到幾啖，雪糕枱就落閘收檔。想食，有得食既話，都係食左先好。

星期六下午周圍都好多人 , 好彩係 McCafe 搵到位 ~平時好少去 McCafe , 原來 McCafe 假日有下午茶餐 (McCafe Tea Combo) ~下午 3 - 6 點供應 , $3X 就可以有 1 杯飲品 (凍 / 熱) + 一款甜品 / 麵包 / 鬆餅 , 好多選擇 ! 今次揀左 芝士奶蓋四季春 + 忌廉窩夫 - 士多啤梨 (共 $35)芝士奶蓋四季春 (大)呢杯飲品 ge 評價都幾兩極 ~ 有 d 人話奶蓋唔掂 , 有 d 人話幾好飲 ~呢次係我第 3 次飲 , 個人覺得唔錯 ~ 不過唔會用正價 ($25) 去飲首先唔好拎佢同好出名 ge 喜_ 比較 ~ McCafe ge 奶蓋味道同份量適中 , 係甜甜地 , 唔係咸奶蓋 ~四季春茶底清得黎有茶味 , 加埋甜甜地 ge 奶蓋 , 幾好飲 ~ 只不過要用正價買的話 , 我會飲其他飲品忌廉窩夫 - 士多啤梨窩夫係暖 , 少少脆 , cream 正常 , 個士多啤梨醬係士多啤梨新地個隻醬 質素正常 , 但無咩驚奇 , 不過 $35 有 1 杯奶蓋茶 + 甜品仲想點 ~~ 😂😂

近年喜茶大熱，芝士奶蓋既飲品開到成行成市，最近麥當勞都跟上潮流，出芝士賴該系列飲品。憑app仲可以免費飲，所以我地都跟風試試，反正唔洗錢芝士奶蓋四季春，奶蓋似係喜茶既輕芝士，味道不算濃，茶味較清淡，老老實實確係唔及喜茶咁好飲同順滑，但我覺得麥當勞既都不錯以價錢黎講，質素算係中規中矩再黎杯芝士奶蓋黑咖啡，呢杯就真係麻麻地，同咖啡好似唔係好夾，感覺上都係分開處理會好啲對比起喜茶，係香港飲真係超貴，但麥當勞其實起價都唔低，但價格相比之下，都可以係值得考慮

經過McCafe見到裡面原來都有賣千層蛋糕，忍唔住買黎試吓。佢仲可以安排一個盒裝一件，所以即使獨食，都唔怕途中整爛件蛋糕。職員仲好細心的替我在盒面寫清楚蛋糕種類。千層蛋糕嘅外貌都唔錯，即使外賣返到屋企見到都幾吸引。士多啤梨千層蛋糕，雖然佢嘅士多啤梨味唔重，不過味道唔錯。至少我仔仔食咗一啖之後，就不斷同我爭住食。當然如果要同幾十蚊一件即LadyM比較，咁就當然差少少。不過以咁嘅價錢（20幾蚊），都可以接受。抹茶紅豆千層蛋糕，抹茶味唔係好濃，感覺都係一件硬既Cream Cake。味道好似士多啤梨好啲。

食甜品梗係去 McDonald's，無錯，梗係貪佢夠平喇～阿華田味又返嚟喇，阿華田味都幾重，但對我嚟講就甜咗啲，雪糕上面仲有阿華田脆脆，口感有趣。不呢個甜品真係窮人恩物，七蚊雞新地真係好鬼掋食呀。

估唔到第一次寫食評係俾左麥記習慣每朝早飲咖啡，星期日朝早太和附近得Mc cafe，講真，對Mc cafe 的咖啡唔會太高期望。叫左杯hot cappuccino，睇住個職員沖杯咖啡，心知瀨野，打奶泡都冇，叫做整熱番d 奶就咁沖落去。飲一啖，連咖啡味都未，只不過係一杯水有咖啡味。去7仔是但買罐咖啡都好飲過佢。完全唔值$27

本來冇留意新推出呢個安格斯包，但近排麥記出左個父親節限定「大優惠」俾大家，俾全城「表揚」，呢個包即刻HIT晒！哈哈，呢個優惠宣傳真係好成功。要6月18號父親節當日，嚟麥當勞出示張身份證，而身份證仲要印有Angus或安格斯，就免費送你一個包喎，等你歎住過Father’s Day！網上或報紙都有優惠劵，芝味蘑菇安格斯或泰脆洋蔥安格斯套餐減$5。而下午六點後買呢個餐，自動點餐機落單，就會送杯焦糖芭菲 x Oreo®一杯。如果你排隊買，就會有呢張優惠劵:唔駛即日食，仲可以揀口味。但你唔問呢，就唔會主動俾你 叫左個芝味蘑菇安格斯餐:減左$5優惠劵就$38.8。用黑色盒裝住，感覺幾型格。個包都算幾厚幾高，你試下叫個漢堡包對比吓，而家麥記漢堡包真係細到呢! 漢堡牛扒都幾大塊同幾厚牛味算幾濃，又有少少肉汁。蘑菇都多，炒得幾香。整體黎講算唔錯，比預期中好食。