Video
7-min walk from Exit A1, North Point MTR Station
continue reading
Opening Hours
Mon - Sun
11:00 - 20:30
Above information is for reference only. Please check details with the restaurant.
今天特意來到北角和富道38-48號的新店試新嘢。這店裝修簡單，顏色鮮明，給人時尚的感覺，主打售賣泰式海南雞飯。店舖面積不大，不設堂食，只可外賣。～去骨海南雞飯 $52這招牌飯一律附送老火雞湯，這個湯一點也不肥膩，配上冬瓜和蔥粒，更容易入口。去骨海南雞是最理想的，不用吐骨，吃起來啖啖肉，令人感到滿足。雞皮滑而不膩，雞肉亦白滑，沾上附加的青醬料來吃，味道更佳。雞油飯味不會過濃，又不肥膩，正是我喜愛的。不要小看那兩片在飯面上的鮮青瓜，味鮮爽口，清清口腔，又繼續吃那油飯。是次品嚐的去骨海南雞飯真教人滿足，他日定必再會幫襯。
continue reading
平時見依間野新開無咩人今日諗住好心去食下試下52蚊普通去骨海南雞飯見你去骨咪試下囉包裝係靚既一開盒飯 好似食剩咁 得啲雞碎 青瓜三片佔盒飯既半邊？雞皮要有咁多雞毛 見到都唔開胃啦下話再脫埋皮之後....喊出黎 我無偷食任何半啖但成盒飯就真係得咁多舊雞碎會喊會少得太過份呀？你都唔好意思話自己係海南雞飯‘專門店’啦下話？而個汁算係ok 你可以試下用汁撈成盒飯黎食：）湯就算啦 又係咁依間真係失望到極致 送都唔再食😓😓😓
continue reading
同朋友一齊試食呢間北角和富道新開的泰式海南雞店，店內環境好乾淨整潔，感覺好舒服，店員態度很好，主動介紹食品，最後同朋友各自叫左一個海南雞飯加一枝龍眼茶。海南雞飯比想像中好食，雞有雞味，好滑，有口感，醬汁亦都非常出色，油飯好香，個湯好好飲。一個字 正。食過區內咁多海南雞飯來講，呢個海南雞飯可以話係數一數二好食，值得推介。龍眼茶亦都係自家制，夠大支，好飲，唔太甜。$52呢個價錢食到咁好食既海南雞飯，CP值好高，我朋友都不停講好食好食，下次會再來食。
continue reading
呢間係北角和富道新開海南雞店，有新食店，我當然第一時間去試吓，估唔到出奇地好！我第一次幫襯是吃佢52蚊大海南雞飯，有湯，海南雞好味，油飯不太油幾香，肉同飯都好足料。特別一提係個綠色嘅海南雞醬，我同屋企人都食到舔舔脷! 之後每星期都有幫襯，巳吃過木瓜沙律（忘記影相）、泰式無骨鳳爪...今晚，order左一隻雞及泰式無骨鳳爪。個packing嚇左我一跳，好似個大禮物用絲帶綁住。北角駐店靚仔哥哥好好人，加油！會繼續支持！
continue reading