4
1
0
Video
7-min walk from Exit A1, North Point MTR Station
continue reading
Opening Hours
Today
11:00 - 22:00
Mon - Sun
11:00 - 22:00
*Last Order: 21:30
Above information is for reference only. Please check details with the restaurant.
薩莉亞可以話係好多人嘅飯堂，價錢抵，味道唔差，唔收加一但有服務，員工態度好，呢一點已經好過好多坊間嘅其他食店👍🏻甜蝦沙律份量夠味道好，沙律菜都好新鮮，真心好食過出面80幾蚊一份嘅沙律雞翼就唔使多介紹啦，大家每次嚟基本上都會嗌，熱辣辣脆卜卜，而家仲可以買冷藏嘅返屋企自己整，隨時隨地都可以食到佢哋嘅雞翼😚意式洋蔥蒜蓉燒雞，咁大塊雞扒仲有配菜味道仲要好食，30幾蚊真係抵到爆！佢哋嘅漢堡扒味道都唔錯，大家亦都可以試吓～食過咁多次咁多款佢哋嘅嘢食真係搵唔到有邊款唔好食，基本上都係水準之上。
continue reading
之前幫襯過呢間薩莉亞個印象都係比較污糟同埋服務速度比較慢，今次再來見到已經轉咗做QR code電子餐牌落單，唔使等人過嚟落單，果然點菜速度快咗好多雖然樓面得兩男侍應，一腳踢做收銀、捧餐、收枱，但眼見一個人可以一手捧住三四碟食物真係好犀利，仲要好爽手，值得一讚！講返食物，薩莉亞嘅意大利直接入口甜品真係冇得輸！冇乜人，幾好坐，食完正餐已經夠鐘last order，嗱嗱臨點返個甜品！意大利松露朱古力雪糕 ($20) 咁高質美味嘅雪糕，只係$20雞，唔係單單一球雪糕，而係有層次嘅除咗布甸🍮之外，全部甜品都只限堂食。好彩堂食嘅服務已經改善咗，可以再來幫襯了！
continue reading
今日同朋友嚟咗呢一間係北角新開嘅薩莉亞餐廳，發現裝修咗之後食物質素同埋格局都有所提升👍🏻正！ 我哋叫咗兩款小食同意粉雞翼、同雞球一上到嚟熱辣辣，又Juicy同埋外脆內軟，比起之前真係好食好多，同朋友都食唔停口😋😋意粉煮得軟硬適中，亦都相當掛汁，以呢個價錢嚟講性價比真係好高👍🏻整體嚟講裝修咗之後，食物質素都提高左，唔錯！
continue reading
N年前去過北角新都城店，自從去過之後，就將呢間連鎖店同「恐怖」掛勾，無論等位時間，服務（基本上都無乜，但係果時簡單態度差到無論），味道，衛生都係地獄級別。如果想第二日請病假射波，去呢到食一餐就可以滿足哂。但係估唔到和富呢間竟然差咁遠，乾淨好多，食品又夠熱，味道都幾唔錯，人又唔太多。佢既意粉（明太子海鮮意粉）好好食，個田螺都好好味，真係可以一去再去！雖然佢有午餐，但係我就覺得散叫仲好，因為價錢其實差唔多。估唔到呢間餐廳真係改善左咁多，有時諗唔到食咩，呢到都係一個好選擇！
continue reading
嚟咗個水牛芝士pizza, 價錢咁平都唔要求熱辣辣，自行切開pizza 之後，食中間沒問題，但食到近餅邊開始凍冰冰再嚟個午餐鐵板漢堡，諗住「鐵板」唔會再凍冰冰啦掛⋯⋯ 點知⋯⋯1. 炸蝦炸薯仔粒：冇事。正常炸嘢唔會出現「凍」嘅情況2. 漢堡加腸：出事。食到中間又係凍冰冰各位⋯⋯ 食落肚嘅嘢真心唔好貪平
continue reading