57
0
0
2-min walk from Exit E2, Mong Kok MTR Station continue reading
Telephone
96824885
Opening Hours
Today
12:00 - 14:30
18:00 - 23:00
Mon - Sun
12:00 - 14:30
18:00 - 23:00
Payment Methods
Visa Master AlipayHK Alipay Cash Octopus UnionPay JCB
Above information is for reference only. Please check details with the restaurant.
Review (60)
Level4 2024-06-01
13 views
去開旺角想食下日本嘢,可以去呢間居酒居試吓~ 位於女人街,位置非常方便!餐廳裝潢都幾日式,貼咗好多日本招牌同有好多清酒樽,似置身喺日本居酒屋咁~餐廳主打多款串燒,仲有不同飯麵小食選擇。凡點任何飯麵,追加串燒有得每串減$5,都幾抵食!飯麵最平六十幾蚊,仲包咗麵豉湯同沙律,晚市呢個價錢相當優惠!仲有二人餐都好抵食!🔸海膽明太子冷烏冬 $98明太子迷嘅我見到必叫😂 平時都係食開熱嘅明太子意粉同烏冬,估唔到明太子冷烏冬都咁好食!而且好啱夏天食呀!冷烏冬好煙韌彈牙,明太子醬超濃郁又唔會太鹹!仲有海膽點綴,鮮甜唔腥~🔸鰻魚飯 $88有半條鰻魚咁多!都算厚身唔會好薄,口感都軟棉,但有少少骨~ 仲有件玉子燒👍🏻 加埋鰻魚汁一齊食都幾好味!🔸免治雞肉棒 $38🔸冬菇 $16🔸日本甜薯仔 $16🔸燒豆腐串 $18🔸雞翼 $32試咗幾款串燒,味道正常發揮,唔會話好大驚喜,勝在幾抵食~ 最鍾意係免治雞肉棒,雞肉餡有軟骨,口感唔錯!撈埋多汁一齊食更加香滑! continue reading
(The above review is the personal opinion of a user which does not represent OpenRice's point of view.)
呢晚嚟咗旺角嘅居酒屋食晚飯 見到有個幾抵食嘅二人餐 只需$298就食到5款食物😊慢煮黑椒牛肉沙律呢個沙律係用咗胡麻醬同埋新鮮蔬菜整成🥗 係一碟好Fresh嘅前菜 面頭仲有四大片黑椒牛肉🐮 令到呢個沙律唔會太單調芥末牛舌作為涼拌嘅前菜呢一個牛舌真係好特別👍🏻 因為用上Wasabi做調味 食落口有少少辛辣 牛舌粒整得好腍身 一啲都唔韌👅 炸雞軟骨呢一碟炸雞軟骨上碟時熱辣辣 炸粉唔算好厚 但係就炸得好脆卜卜😮 配埋側邊嘅蛋黃醬真係絕配 日式煮餃子呢一碟餃子外皮唔會好厚 入面就有椰菜豬肉餡料🥟 配埋底下嘅日式醬汁 真係好有和風滋味三文魚海膽炒飯呢個橙黃色嘅炒飯入面真係有好多海膽同埋三文魚😗 海膽炒飯炒得幾乾身 而且粒粒分明 仲有啲蟹籽喺面可以增加口感飲品我地另外嗌咗兩杯特飲 巨峰葡萄檸檬綠茶同埋柑橘檸檬綠茶🍵 兩杯都唔會好甜 清清地幾好味 我自己就比較鍾意柑橘檸檬多啲🍊呢一餐都食得幾飽 呢個價錢喺旺角食到咁多野都算幾高性價比啊🥰 continue reading
(The above review is the personal opinion of a user which does not represent OpenRice's point of view.)
【油尖旺區】【如月居酒屋】同同事單獨食飯其實已經成為咗我嘅日常生活一部份,又講吓同遇星哥喺旺角試到好嘢嘅一次。大家都知道旺角係一個食肆林立嘅地區,要喺度搵嘢食,搵唔難,選擇最難。見到呢間日本嘢,就去試吓佢,其實都好方便,佢係好接近路口位,就坐低喇。見呢個 $298 嘅「晚市二人套餐」幾抵食,就同遇星哥一齊試吓。首先嚟個前菜「芥末牛舌」,芥末味幾濃,但又唔會搶到牛舌味。而「慢煮黑椒牛肉沙律」幾清新,牛肉又正,個組合幾夾。碟「炸雞軟骨」係即炸,熱辣辣又脆卜卜,點埋沙律醬勁邪惡呀。之後嘅「日式煮餃子」清清哋又簡單,味道都唔錯。主菜「三文魚海膽炒飯」由於三文魚同海膽都幾足料,所以食落鮮味十足。嘢飲方面,遇星哥試 $58 嘅「柑桔檸檬綠茶」,我試同價錢嘅「巨峰葡萄檸檬綠茶」,都係好飲嘅,喺旺角食到呢餐飯係幾好嘅。。。(地址:旺角通菜街59-61號德發大廈地下2號舖)@kisaragi_izakaya#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #太子 #如月居酒屋 #Restaurant #晚市二人套餐 #芥末牛舌 #炸雞軟骨 #慢煮黑椒牛肉沙律 #日式煮餃子 #三文魚海膽炒飯 #柑桔檸檬綠茶 #巨峰葡萄檸檬綠茶 #1am1383 #1ambackup continue reading
(The above review is the personal opinion of a user which does not represent OpenRice's point of view.)
Level4 2024-04-15
150 views
今晚同朋友搵左間係旺角女人街新開嘅居酒屋,地點都方便大家。餐廳格局都幾靚,滿滿日式嘅氣氛。餐廳方面以居酒屋黎講都抵食,食物種類都唔少,出旺角又多一間餐廳選擇。一口芝士 $68 青瓜海蜇 $68粒粒熱辣辣炸起出嚟嘅炸芝士,只是味道勁香濃勁郁,芝士係比較creamy,作為小食都幾好海蜇都唔差,口咁爽口,少少辣,而且食落幾彈牙慢煮黑椒牛肉沙律 $78 沙律加左D芝麻醬,有幾塊嘅黑椒牛肉,開下個胃唔錯串燒拼盤6種 $188 有6串串燒,分別有燒香菇、豚肉、鰻魚、牛舌、雞軟骨、雞肉棒。都燒得幾焦香香身,牛舌好夠厚,雞肉棒配左隻生雞蛋沽黎食,個蛋黃勁鮮好香。帝王蟹肉炒飯 $168炒飯賣相好靚,原隻嘅蟹蓋,拆曬啲蟹肉落個炒飯度,炒飯炒得好香粒粒分明,而且每粒飯粒都包住蟹黃同埋蛋黃,成個飯好似金黃色咁。炒飯唔會話太鹹,食到都有蟹鮮嘅味道。 continue reading
(The above review is the personal opinion of a user which does not represent OpenRice's point of view.)
📍一段時間冇行過旺角通菜街🚶🏻‍♀️ 原來多咗唔少新餐廳 呢間餐廳設有師傅席前位置for Omakase🙌🏼 另提供多款串燒 小食炸物等日式料理🍱🌀 串燒拼盤6種去居酒屋就梗係要食串燒🍢🍢! 如果同我一樣咁 唔想揀又心多多🧏🏻‍♀️ 呢款串燒拼盤岩曬!6️⃣款串燒包括有: 自家製免冶雞肉棒/ 阿波尾雞軟骨/ 燒白鱔/ 黑毛豬五花腩/ 鹽燒燒牛舌/鮮冬菇🙈 免冶雞肉棒混入少量雞軟骨 比例剛好❤️ 配上日產雞蛋的月見汁 食落滿滿的幸福感! 🌀 帝王蟹肉炒飯 以蟹蓋🦀置於炒飯面作裝飾 炒飯夠乾身唔油膩 粒粒分明就已經成功咗50%🫣 拆肉帝王蟹肉滿佈整個炒飯🌞 調味剛好 胡椒味重 下次再黎會Encore!🌀 雜錦天婦羅雜錦天婦羅色澤金黃 炸粉夠薄 食材若隱若現咁呈現出黎~好鍾意餐廳所有食品都唔油膩 口感酥脆😻 炸蝦採用日本甜蝦 口感爽脆鮮甜🌀 豆腐魚餅 & 日式煮和風餃子一品料理及小食 選擇唔少而且價格相宜 我就最鍾意個豆腐魚餅🙆🏻‍♀️ 混合魚肉與豆腐 加咗少少紅蘿蔔絲同粟米粒 味道簡單香口 口感比起魚蛋綿密鬆軟~ 豬肉餡和風餃子以清高湯浸住 味道清淡美味! 餐廳新開無耐 位置相當便利 而且裝修簡約光猛 帶有濃厚日本風 環境格局都幾舒服~ continue reading
(The above review is the personal opinion of a user which does not represent OpenRice's point of view.)