Video
Exit C3, Mong Kok MTR Station, Exit E1, Mong Kok MTR Station, Exit B, Mong Kok East MTR Station
continue reading
Telephone
26992018
Introduction
This restaurant serves Taiwanese hot pot with night market snacks in all-you-can-eat style. Some of the sauces and ingredients are imported from Taiwan. In addition, the mala duck blood medicinal soup base is recommended.
continue reading
Opening Hours
Today
12:00 - 23:00
Mon - Sun
12:00 - 23:00
Above information is for reference only. Please check details with the restaurant.
-
Online Booking Service Not Available
今次湯底我地揀左滋補當歸杞子鍋，湯底有啲紅棗、杞子同埋龍眼肉，但無乜藥膳味。如果想揀鴛鴦鍋嘅朋友就可以加$50。肉類方面，套餐包1份澳洲M5和牛同肩胛肉，而牛小排、穀飼牛封門柳、牛五花、豚梅花肉、雞腿肉，羊肩肉等都可以任叫。澳洲M5和牛既質素都還好，其他質素就好普通。海鮮種類算少，靜係得八爪魚仔、墨魚仔、蜆同埋鯛魚片，全部都好細粒，唔太吸引。另外仲有啲鍋物，例如三星蔥爆漿貢丸、胡椒豬肚丸、百葉豆腐、鴨血、花膠、仿蟹棒、鹹蛋軟骨雞滑等可以任叫，但就無乜邊樣食完係好想再叫。餐廳仲有自助區可以拎蔬菜類，例如金菇、娃娃菜、萵荀、粟米等，熟食區就有啲炸物同台灣腸，而飲品方面除左一般罐裝同紙包飲品，仲有3款自家製冷泡茶、愛玉冬瓜茶等特式飲品。飯後每人送Movenpick 雪糕一客，有呍呢拿味同朱古力味揀。呢間火鍋店之前都算係人氣店，以前成日都見好多人排隊等位，但而家平日夜晚去都好多吉位，坐唔滿，即時walk in 都有位。以呢個價錢嚟講嘅任食火鍋質素不過不失，食物款式唔算多，回頭率唔會好高，但想方便就腳，過下邊爐癮既都可以一試。💰一位$288連加一
continue reading
呢間食過幾次，岩岩開嗰陣覺得好好食無論係台式小食or order送過嚟嘅都好好食。隔左幾個月尋晚再去食晚市3號餐真係十分失望。。。湯底都無味，牛小排唔同哂，係牛肉片嚟一放落去淥嘅時候就已經散哂搵唔番，咁都算，但台式小食嘅滷豆腐同埋冷盤豬耳，可以話係餿嘅。。。好明顯係佢哋儲存食物嘅方法唔啱，真係成餐都好難食，而且價錢一啲都唔平，性價比極之低，以後都唔會再食！
continue reading
真係勁難食 衰過我阿媽喺佳寶買啲肉 我發誓我唔係打手 係真實評價午市晚市有分1/2/3/4餐，由低變高，食物內容不變，我選左個3餐，午市為238/一人，跟一個湯底，鴛鴦湯底加左$50選左沙茶湯底同番茄湯底先講湯底，番茄湯底唔覺有好大番茄味，唔知點解會有菠蘿，5/10分沙茶湯底，味唔夠，3/10加湯係出去自己加，但得雞湯/熱水，唔會有你食緊既湯底加野食，兩個字就垃圾，四個字就不知所謂3餐已經係第二貴，啲牛得兩款，一款牛小排放唔入口，又肥又UN; 另一款封門柳，算係擺得落口，但啲牛質素都係低飲嘢飲到飽，好慘。朋友想食羊肉，所以特登揀呢間，但係點知啲羊肉都係冇羊味，垃圾。海鮮就只係得八爪魚仔，蜆；蝦/魷魚都無，啲蜆細到傻、仲要好多沙，苦。呢個餐基本上得幾樣野食，又食唔飽，唯有同經理升級到4餐，試下佢個A5肥牛，如圖未落湯果陣都仲呃到下人，一浸完湯原形畢露，一定唔係A5，同普通邊爐店食既牛唔知有咩分別，伏完再伏，餘生都不會再光顧。升級左呢個餐，蝦送左兩隻，帶子三隻，仲有少少所謂的SRF既牛肩胛，我無比機會佢，留返比後人試下啦。呢啲全部都無得再加，係得一份；升級完係比你無限點青口，丸，等等一啲你唔會想食既野。埋單連加一710.6/兩人
continue reading
想食打邊爐， 有朋友介紹此火鍋， 話食過唔差。 點知超級中伏。係我要求高， 又或嫌尖。入去見環境唔差， 以為ok.點知2人又夾2人坐， 好像茶餐廳咁， 左邊2位又講野勁大聲， 好嘈。 ＜完全唔理其他食客感受， 我們唔想聽佢地2位發噏風， 耳朵好嘈＞叫左養生鍋湯底， 湯勁咸， 有菇， 但唔知點為之養生。 1＞花膠好腥， 腥到食唔到， 想嘔。2＞丸質素又差，又實又硬又冇味， 差過自己去街市買丸3＞炸物又好一般以下，求其炸d野放出面。食完半粒至一粒都唔想再食。4＞二維碼叫之牛肉， 羊肉， 豬肉質素普通以下。5＞ 熱飲之紅棗水，得色， 冇味， 飲2啖都飲唔出係咩？！ 飲 唔落6＞ 鮮牛肉切到一pat 咁，又厚又連住晒， 成串鎖匙咁， 滑嘟嘟又好像好槳咁。 完全沒有食物可以番叫。 食完一次以後唔會再來。$250／位。。。。唉！唔會再食。
continue reading
第二年喺度食開年飯，貪佢有開，嘢食選擇多，又唔使加二加三，細佬仲有member有折。因為鍾意食牛，所以揀咗最貴嘅「厝內人・吃台北」，可以任食澳洲M5和牛。佢啲冷盤涼菜好啱我口味，少少辣好惹味。個鮑魚撈起唔知係包埋定另外嗌，因為細佬落單所以唔清楚。鍾意食三星蔥貢丸，點知嗌咗3轉，有2轉都嚟咗薑蓉貢丸，鹹到癲……佢啲手切封門柳冇平時喺其他舖頭食嗰啲牛味咁濃，跟餐送「輕奢華盛盤」嗰啲牛肉油脂夠又嫩，但任食嘅牛質素亦唔太差。
continue reading