Video
4-min walk from Exit A, Tai Shui Hang MTR Station
continue reading
Telephone
26828282
62228884 (Whatsapp)
Additional Information
可訂購到會。可預約私房菜於vip房進膳，私房菜菜單可按客人要求設計，vip房最多可容納18-20人。
Opening Hours
Today
07:00 - 18:00
Mon - Sun
07:00 - 18:00
Above information is for reference only. Please check details with the restaurant.
Recommended Dishes
下晝5點半左右入去想食個下午茶，座底左個待應一擺底兩張下午茶餐牌就問食咩，我睇都未有時間睇，就同佢講話睇一睇先，佢就話收6點催我地快啲落單，然後一直隔喺隔離chur你，咁都算，我好快咁落完單，而啲嘢食一兩個字內都到齊，因為全餐廳得番三枱客，嘢食放低左之後就催我埋左張單先，埋完以為可以安心咁食，但都錯晒，5點50分左右就熄晒全餐廳冷氣加電視，啲待應仲會一直喺附近mark實你黎收碟執枱，務求你唔好阻佢收工，最好笑係喺佢熄晒冷氣之後聽到個待應話有啲焗。最後我快快手食完6點前走人，真係怕留多一分鐘都會比人趕💩餐廳地面好滑唔知係油定水。野食一般，上菜算快，主要因為無客。服務係垃圾，試過嘅唔會再試，未試過嘅就無謂貼錢買難受。
continue reading
食物同其他一般茶餐廳無分別，之前踩單車經過發現佢有得泊單車，非常方便。近排上網見到食評，寫佢可以帶寵物，係寵物友善餐廳，又有大停車場，但係我想講返比大家聽，我前排專登開車由大西北帶隻小狗去食，但係店員話一定要入籠先至可以，好在我都有帶籠。所以如果大家係諗住帶寵物去馬鞍山茶座食嘢就需要諗清楚喇。唔放出嚟佢哋都畀你一齊食嘅。食物味道又唔係其他食評寫得咁差嘅，我覺得正正常常，都算合理。服務態度呢就可能佢哋始終唔係一間正常嘅茶餐廳啦，佢哋合作社有特別嘅請人原因呀，所以系可以。搞到一下啲員工改善一下的態度嘅，我覺得佢哋並唔係有惡意嘅，但係啲動作就可以再改善好d，例如放低啲食物啊，放低啲價錢牌啊等等，就可以細力小小咯，基本上我都滿意嘅。
continue reading
叫左早餐，佢地多士賣唒直接冇比到我地。我地同老闆反映，個老闆發哂脾氣落員工度，但係明顯聽係話緊我地，之後佢冇任何表態，應該諗冇左件事唔處理。我地再問多句，佢以極其惡劣嘅態度叫我地算數la。態度真係好差，小弟都係住錦泰以後都唔會食，真心唔建議大家食。
continue reading
我住喺大水坑，數年前幫襯呢間幾次，簡直難食到嘔，今次因為約了客戶又唔想去大家樂亦都唔想麥當勞，諗住淨係飲杯嘢，都叫做有個好嘅地方坐就算啦。下午茶時間，去到坐低，見到有個下午茶餐炸雞髀薯條，所以又即管試試佢有冇進步，估唔到真係進步咗，唔知係咪廚房定老闆改咗呢？？起碼薯條係即炸，雞髀入到口之餘都叫做好食，炸得金黃夠香脆，所以對佢改觀，要來寫食評，希望佢以後更加進步，咁我作為街坊都會再幫襯佢。
continue reading
是日，一家入出門遊車河，就決定於出發前先吃飽飽。為了方便泊車，也為了順路，我們選中了這一間附設停車場既《鞍山茶座》食一個簡單的家庭午餐。可愛的獨立屋，以馬鞍山礦場同馬鞍山既社區發展為主題...仲有一小時免費的停車場。主題就吸引啦，且看看多年沒來，食物水準有沒有變化。咸魚雞粒炒飯。一來到就聞得出濃濃的咨魚香味。用翠玉瓜來代替菜，感覺很是新奇。入口的味道不會太濃及太咸，但炒飯散發出陣陣的咸魚香，就份外地吸引。豬扒蛋撈公。大大份肉，大大片豬扒，對準備發育的小兒來說，是神一般的美食啊。豉油皇豬扒，除在有豬肉香之外，也有濃厚的豉油香。配合流心的煎雞蛋同煮到剛熟的公仔麵，很 Hong Kong Style 也夠好食。羅漢齋炒麵，用料有荀，菜心，雜菇加粟米蘿蔔等等。汁既份量是剛剛好的，保持到麵餅香脆，就算沾了少少汁，都保持到脆脆地的口感，是夠鑊氣、夠水準之作。天氣熱，而且我國打後的行程，是戶外的行程，所以，大家都點了凍飲。凍檸茶同凍奶茶都令我們感覺到開心。首先，真是夠晒凍；其次，茶味濃而入口有香滑感。集合了這兩、三點，得出既結論就是，好茶。食物幾好，係阿姐們太忙，要叫好幾次才來。服務是街坊式，有點點的親切。最好就是有一個方便的停車場，駕著車，有這《鞍山茶座》，的確是一個好好的驛站。此外，不遠處就是單車公園，這也是一個很好的單車驛站。
continue reading
You may be interested in